ÍA fór langt með að fella Gróttu

ÍA vann sinn fyrsta sig­ur í Pepsi Max-deild karla í fót­bolta síðan 15. ág­úst er liðið hafði bet­ur gegn Gróttu á heima­velli, 3:0. 

ÍA byrjaði á því að ná í tvær horn­spyrn­ur, en ekk­ert kom úr þeim. Var fyrri hálfleik­ur­inn með ró­legra móti í hávaðaroki og erfiðum aðstæðum, þangað til að ÍA fékk sína fimmtu horn­spyrnu á 26. mín­útu. Hana tók Tryggvi Hrafn Har­alds­son og gerði sér lítið fyr­ir og skoraði beint úr horn­inu. 

Gísli Lax­dal Unn­ars­son fékk fínt færi skömmu síðar en Há­kon Rafn Valdi­mars­son í marki Gróttu varði vel frá hon­um. Gróttu­menn, með vind­inn í and­litið, sköpuðu lítið sem ekk­ert í hálfleikn­um og var staðan í leik­hléi 1:1. 

Grótta lék ágæt­lega fram­an af í seinni hálfleik en það dugði skammt því varamaður­inn Sig­urður Hrann­ar Þor­steins­son skoraði annað markið á 82. mín­útu eft­ir fyr­ir­gjöf og sprett hjá Gísla Lax­dal Unn­ars­syni. Tryggvi Hrafn Har­alds­son gull­tryggði svo 3:0-sig­ur með marki úr víti sem hann náði í sjálf­ur und­ir lok­in og þar við sat. 

Skaga­menn að skilja Gróttu eft­ir

Eft­ir leik­inn er nán­ast hægt að af­skrifa Gróttu í botn­bar­átt­unni. Er liðið sjö stig­um frá ör­uggu sæti og þarf liðið því í það minnsta að vinna þrjá leiki af þeim sjö sem eft­ir eru. Grótta er með einn sig­ur í allt sum­ar og hef­ur liðið ekki verið ná­lægt því að bæta við öðrum sigri í nokkrun tíma. 

Leik­menn virðast ekki hafa mikla trú á að ná í sigra og ógnuðu Gróttu­menn lítið á Akra­nesi í kvöld. Liðið er í mjög stuttu máli ekki nægi­lega gott til að spila í efstu deild, eins og reiknað var með fyr­ir mót. Sig­ur í kvöld hefði gert mikið fyr­ir Gróttu en liðið var aldrei lík­legt til þess að ná í þrjú stig. 

Skaga­menn sloppn­ir

Eft­ir fína byrj­un á mót­inu hef­ur lítið gengið hjá ÍA síðustu vik­ur og var sig­ur­inn sá fyrsti í mánuð. Að skora hef­ur ekki verið vanda­mál hjá ÍA í sum­ar, held­ur hef­ur liðið lekið inn mörk­um. Að halda hreinu ætti að gefa mönn­um byr und­ir báða vængi fyr­ir kom­andi verk­efni. 

ÍA er með tölu­vert betra lið en bæði Fjöln­ir og Grótta og fóru Skaga­menn úr tí­unda sæti og upp í það sjö­unda með sigr­in­um. Gangi allt upp það sem eft­ir lif­ir tíma­bils get­ur ÍA blandað sér í Evr­ópu­bar­áttu, þótt það sé mjög lang­sótt. Það var já­kvætt fyr­ir ÍA að Tryggvi Hrafn Har­alds­son spilaði vel og þá eru ung­ir Skaga­menn á borð við Gísla Lax­dal Unn­ars­son að nýta tæki­færið vel sömu­leiðis. Það vant­ar ekki efniviðinn á Skag­an­um. 

ÍA	3:0	Grótta	Opna lýs­ingu Loka
90. mín. Leik lokið Skaga­menn sterk­ari í dag. Gróttu­menn eru í afar slæm­um mál­um í fall­bar­átt­unni.
Tryggvi Hrafn Haraldsson (26. mín.) Sigurður Hrannar Þorsteinsson (82. mín.) Tryggvi Hrafn Haraldsson (88. mín.) Mörk Hallur Flosason (51. mín.) Sigurður Hrannar Þorsteinsson (78. mín.) Spjöld Óskar Jónsson (42. mín.) Kjartan Kári Halldórsson (86. mín.) mín. 90 Leik lokið Skagamenn sterkari í dag. Gróttumenn eru í afar slæmum málum í fallbaráttunni. 89 Marteinn Theodórsson (ÍA) kemur inn á 89 Ísak Snær Þorvaldsson (ÍA) fer af velli 89 Ingi Þór Sigurðsson (ÍA) kemur inn á 89 Gísli Laxdal Unnarsson (ÍA) fer af velli 89 Ísak Snær Þorvaldsson (ÍA) á skot framhjá Færi! Tryggvi með fyrirgjöf á Ísak sem er í rosalega góðu færi í teignum en hann hittir ekki markið. 88 MARK! Tryggvi Hrafn Haraldsson (ÍA) skorar úr víti 3:0 - Afar öruggur. Gulltryggir stigin þrjú! 87 ÍA fær víti Tryggvi Hrafn fellur í teignum eftir baráttu við Ólaf Karel og Skagamenn fá víti! 86 Kjartan Kári Halldórsson (Grótta) fær gult spjald 84 Grímur Ingi Jakobsson (Grótta) kemur inn á 84 Halldór Kristján Baldursson (Grótta) fer af velli 84 Kieran McGrath (Grótta) kemur inn á 84 Axel Freyr Harðarson (Grótta) fer af velli 82 MARK! Sigurður Hrannar Þorsteinsson (ÍA) skorar 2:0 - ÍA að tryggja sér stigin þrjú! Gísli Laxdal með flottan sprett upp hægri kantinn og fyrirgjöf á Sigurð sem klárar virkilega vel úr teignum. Hans fyrsta mark í efstu deild. 80 Pétur Theódór Árnason (Grótta) á skot sem er varið Færi! Karl Friðleifur með glæsilega fyrirgjöf á Pétur Theódór sem er aleinn á markteignum en hann hittir ekki boltann! Þarna átti hann að skora. 78 Sigurður Hrannar Þorsteinsson (ÍA) fær gult spjald Stöðvaði skyndisókn. 76 Kjartan Kári Halldórsson (Grótta) kemur inn á 76 Óskar Jónsson (Grótta) fer af velli 70 Stefán Teitur Þórðarson (ÍA) á skot sem er varið Af 25 metra færi eða svo, beint á Hákon sem lendir í smá basli en þetta sleppur að lokum. 68 Sigurður Hrannar Þorsteinsson (ÍA) kemur inn á Bræðraskipting. 68 Steinar Þorsteinsson (ÍA) fer af velli 67 Pétur Theódór Árnason (Grótta) á skalla sem fer framhjá Vinnur skallaeinvígi eftir hornið en setur boltann langt framhjá. 66 Grótta fær hornspyrnu Fyrsta hornspyrna Gróttu. Þar eru Gróttumenn sterkir. 60 Karl Friðleifur Gunnarsson (Grótta) kemur inn á 60 Óliver Dagur Thorlacius (Grótta) fer af velli 60 Marcus Johansson (ÍA) kemur inn á 60 Jón Gísli Eyland (ÍA) fer af velli 60 Hlynur Sævar Jónsson (ÍA) kemur inn á 60 Hallur Flosason (ÍA) fer af velli 60 Óliver Dagur Thorlacius (Grótta) á skot framhjá Lætur vaða úr aukaspyrnu af 35 metrum eða svo, langt yfir. 55 Árni Snær er góða mínútu að taka aukaspyrnu nálægt markinu sínu þar sem boltinn fýkur alltaf áður en hann nær að taka spyrnuna! Skrautlegar aðstæður á Akranesi. 51 Hallur Flosason (ÍA) fær gult spjald Stöðvar skyndisókn með peysutogi. 47 Axel Freyr Harðarson (Grótta) á skalla sem er varinn Færið erfitt og boltinn beint á Árna. Gróttumenn eru með vindinn í bakið í seinni hálfleik. 46 Seinni hálfleikur hafinn 45 Hálfleikur Skagamenn marki yfir í hálfleik í frekar jöfnum leik. Markið kom beint úr hornspyrnu. 44 ÍA fær hornspyrnu 43 Stefán Teitur Þórðarson (ÍA) á skot framhjá Lætur vaða úr aukaspyrnunni og boltinn fer í Akraneshöllina. Rosalega langt yfir. 42 Óskar Jónsson (Grótta) fær gult spjald Einhver átök á miðjunni. ÍA fær aukaspyrnu 35 metrum frá marki eða svo. 41 Óliver Dagur Thorlacius (Grótta) á skot sem er varið Laust og beint á Árna sem ver auðveldlega. 39 Ísak Snær Þorvaldsson (ÍA) á skalla sem fer framhjá Eftir hornið en rétt yfir. Ísak er sterkur skallamaður. 39 ÍA fær hornspyrnu 39 Gísli Laxdal Unnarsson (ÍA) á skot sem er varið Sleppur upp hægra megin og lætur vaða á nærstöngina en Hákon ver mjög vel. Virkilega góð tilraun og glæsilega varið. 34 Axel Freyr Harðarson (Grótta) á skot sem er varið Hættulegt hægrifótar skot frá vinstri og Árni þarf að taka á honum stóra sínum við að slá boltann framhjá. 30 ÍA fær hornspyrnu Tryggvi með hættulega fyrirgjöf og Ólafur Karel skallar rétt framhjá eigin marki. 26 MARK! Tryggvi Hrafn Haraldsson (ÍA) skorar 1:0 - Beint úr hornspyrnu! Tryggvi með hornið frá vinstri í vindinn og Hákon Rafn misreiknar sig illa og missir hann inn. 25 ÍA fær hornspyrnu Fimmta hornspyrna Skagamanna. 23 ÍA fær hornspyrnu Steinar með hættulega fyrirgjöf og Ólafur setur boltann í áttina að eigin marki og að lokum bjargar Hákon því að Ólafur skorar skrautlegt sjálfsmark. 16 Tryggvi Hrafn Haraldsson (ÍA) á skot framhjá Fyrsta skotið í dag. Tryggvi vær boltann hægra megin og lætur vaða með vinstri rétt utan teigs. Ekki hans besta tilraun og boltinn nokkuð framhjá makrinu. 14 ÍA fær hornspyrnu Gísli Laxdal með fína takta og hann vinnur horn. Það hefur lítið gerst í þessum leik annað en Skagamenn að vinna hornspyrnur. Ekkert komið út úr þeim til þessa. 7 Skyndisókn hjá Gróttu en fyrirgjöf Kristófer Melsted er ekki nægilega góð og þetta rennur út í sandinn. Það er hávaðarok á Skaganum og það gengur illa hjá báðum liðum að byggja upp sóknir. 2 ÍA fær hornspyrnu Skagamenn fljótir í sókn, með vindinn í bakið. 1 ÍA fær hornspyrnu 1 Leikur hafinn Grótta byrjar með boltann og sækir í átt frá Akraneshöllinni. 0 Ágúst Þór Gylfason þjálfari Gróttu gerir fimm breytingar á byrjunarliðinu frá 2:2 jafnteflinu við Fjölni í síðasta leik. Arnar Þór Helgason og Sigurvin Reynisson fyrirliði eru báðir í leikbanni í dag og þá fara Axel Sigurðarson, Karl Friðleifur Gunnarsson og Ástbjörn Þórðarson allir á bekkinn. Inn í liðið koma Bjarki Leósson, Óliver Dagur Thorlacius, Axel Freyr Harðarson, Tobias Sommer og nýliðinn Ólafur Karel Eiríksson. Þeir Sommer og Ólafur eru í fyrsta sinn í byrjunarliði Gróttu en þeir komu báðir inn á í fyrsta sinn gegn Fjölni. Sommer jafnaði þá metin í 2:2. 0 Jóhannes Karl Guðjónsson þjálfari ÍA gerir tvær breytingar á byrjunarliðinu frá ósigrinum gegn Val, 2:4, í síðasta leik. Gísli Laxdal Unnarsson og Hallur Flosason koma inn í byrjunarliðið en í staðinn eru Marcus Johansson og Hlynur Sævar Jónsson á varamannabekknum í dag. 0 ÍA er í tíunda sæti með 14 stig og Grótta í ellefta sæti með sjö stig. 0 Góðan dag og verið velkomin með mbl.is í beina textalýsingu frá leik ÍA og Gróttu í Pepsi Max-deild karla í fótbolta. Sjá meira Sjá allt ÍA: (4-3-3) Mark: Árni Snær Ólafsson. Vörn: Hallur Flosason (Hlynur Sævar Jónsson 60), Óttar Bjarni Guðmundsson, Sindri Snær Magnússon, Brynjar Snær Pálsson. Miðja: Stefán Teitur Þórðarson, Ísak Snær Þorvaldsson (Marteinn Theodórsson 89), Steinar Þorsteinsson (Sigurður Hrannar Þorsteinsson 68). Sókn: Gísli Laxdal Unnarsson (Ingi Þór Sigurðsson 89), Tryggvi Hrafn Haraldsson, Jón Gísli Eyland (Marcus Johansson 60). Varamenn: Aron Bjarki Kristjánsson (M), Aron Kristófer Lárusson, Marteinn Theodórsson, Ingi Þór Sigurðsson, Hlynur Sævar Jónsson, Sigurður Hrannar Þorsteinsson, Marcus Johansson. Grótta: (4-5-1) Mark: Hákon Rafn Valdimarsson. Vörn: Halldór Kristján Baldursson (Grímur Ingi Jakobsson 84), Ólafur Karel Eiríksson, Bjarki Leósson, Kristófer Melsted. Miðja: Kristófer Orri Pétursson, Tobias Sommer, Axel Freyr Harðarson (Kieran McGrath 84), Óskar Jónsson (Kjartan Kári Halldórsson 76), Óliver Dagur Thorlacius (Karl Friðleifur Gunnarsson 60). Sókn: Pétur Theódór Árnason. Varamenn: Jón Ívan Rivine (M), Axel Sigurðarson, Kieran McGrath, Kjartan Kári Halldórsson, Karl Friðleifur Gunnarsson, Ástbjörn Þórðarson, Grímur Ingi Jakobsson. Skot: Grótta 6 (4) - ÍA 9 (5) Horn: ÍA 8 - Grótta 1. Lýsandi: Jóhann Ingi Hafþórsson Völlur: Norðurálsvöllurinn Leikur hefst 21. sept. 2020 16:30 Aðstæður: Rok, mikið rok, og haglél á köflum. Dómari: Vilhjálmur Alvar Þórarinsson Aðstoðardómarar: Gylfi Már Sigurðsson og Eysteinn Hrafnkelsson

• Blogga um frétt