Einn best spilaði landsleikur í langan tíma

Elín Metta Jen­sen skoraði sitt sjötta mark í undan­keppni EM í knatt­spyrnu þegar Ísland og Svíþjóð mætt­ust í toppslag F-riðils undan­keppn­inn­ar á Laug­ar­dals­velli í kvöld.

Leikn­um lauk með 1:1-jafn­tefli en Elín Metta hef­ur skorað í öll­um fimm leikj­um Íslands í undan­keppn­inni og jafnaði met­in fyr­ir ís­lenska liðið í upp­hafi síðari hálfleiks.

Anna An­vegård kom Sví­um yfir á 33. mín­útu en Sofia Jak­obs­son átti þá fyr­ir­gjöf frá hægri. Varn­ar­mönn­um ís­lenska liðsins tókst ekki að hreinsa frá marki og An­vegård snéri í teign­um og þrumaði bolt­an­um í nær­hornið fram hjá Söndru Sig­urðardótt­ur í marki ís­lenska liðsins.

Elín Metta Jen­sen jafnaði met­in fyr­ir ís­lenska liðið með skalla á 61. mín­útu en Svein­dís Jane Jóns­dótt­ir átti þá langt innkast frá hægri. Sví­ar mis­reiknuðu bolt­ann, Elín kom sér fram fyr­ir varn­ar­menn Svía, og stangaði bolt­ann í nær­hornið úr markteign­um.

Íslenska liðið er áfram í öðru sæti F-riðils með 13 stig eft­ir fyrstu fimm leiki sína með marka­töl­una 21:2.

Sænska liðið, sem fékk brons á HM 2019 í Frakklandi, er á toppi riðils­ins með 13 stig einnig en marka­töl­una 25:2.

Gunn­hild­ur Yrsa Jóns­dótt­ir á fleygi­ferð. mbl.is/​Eggert Jó­hann­es­son

Svekkj­andi jafn­tefli

Íslenska liðið átti í fullu tréi við stöll­ur sín­ar frá Svíþjóð og þótt þær sænsku hafi verið sterk­ari í fyrri hálfleik var ís­lenska liðið með öll völd á vell­in­um í síðari hálfleik.

Þá skoraði Sara Björk Gunn­ars­dótt­ir full­kom­lega lög­legt mark und­ir lok fyrri hálfleiks og ef það mark hefði fengið að standa hefði það án nokk­urs vafa breytt miklu í þróun leiks­ins.

Aldammóta­börn­in Al­ex­andra Jó­hanns­dótt­ir, Karólína Lea Vil­hjálms­dótt­ir og Svein­dís Jane Jóns­dótt­ir voru all­ar frá­bær­ar í ís­lenska liðinu og þökkuðu þjálf­ar­an­um svo sann­ar­lega traustið, ann­an leik­inn í röð.

Svein­dís var besti leikmaður vall­ar­ins með stoðsend­ingu beint úr innkasti og þar á eft­ir kom Sara Björk Gunn­ars­dótt­ir landsliðsfyr­irliði sem djöflaðist eins og eng­inn væri morg­undag­ur­inn í spræk­um leik­mönn­um Svía.

Það var margt mjög já­kvætt í leik ís­lenska liðsins þótt ákveðnir varn­ar­menn liðsins hefðu mátt gera mun bet­ur í upp­spil­inu. Press­an var frá­bær á stór­um köfl­um og liðið stóð sig vel í að halda bolta líka. Kvenna­landsliðið er á réttri leið og inn­koma alda­móta­barn­anna á stór­an þátt í því.

Þú veist að þú ert að gera eitt­hvað rétt þegar að þú ert svekkt­ur með jafn­tefli gegn bronsliðinu frá HM í Frakklandi því með réttu hefði ís­lenska liðið átt að fara með sig­ur af hólmi í Laug­ar­daln­um í kvöld.

Heilt yfir var þetta einn besti leik­ur sem ís­lenska kvenna­landsliðið hef­ur spilað í lang­an tíma og ef fram held­ur sem horf­ir fer liðið á EM í Englandi. Landsliðsþjálf­ar­inn Jón Þór Hauks­son get­ur verið afar solt­ur af sínu liði eft­ir frammistöðu kvölds­ins.

Ísland	1:1	Svíþjóð	Opna lýs­ingu Loka
90. mín. Leik lokið Leik lokið með 1:1-jafn­tefli í hörku­leik. Íslenska Sví­ar sterk­ari í fyrri hálfleik, Ísland í þeim síðari. Jafn­tefli ef­laust sann­gjörn niðurstaða en ís­lenska liðið skoraði svo sann­ar­lega mark í fyrri hálfleik sem átti all­an tím­ann að standa.
Silvía Rán Björgvinsdóttir (2. mín.) Berglind Leifsdóttir (47. mín.) Teresa Snorradóttir (49. mín.) Mörk Guðrún Viðarsdóttir (11. mín.) Hrund Thorlacius (18. mín.) Birna Baldursdóttir (19. mín.) Díana Björgvinsdóttir (39. mín.) mín. 60 Leik lokið 3:4 - ÁSYNJUR ERU ÍSLANDSMEISTARAR 59 Ynjur (Ynjur) 2 mín. brottvísun 3:4 - Ynjur gera hér mistök og eru of margar á ísnum! Þar af leiðandi er ein þeirra sem þarf að fara í boxið. Ásynjur eru þvi einum fleiri síðustu 36 sekúndurnar af leiknum. 58 3:4 - Tvær mínútur eftir og Jussi Sipponen, þjálfari Ynja, tekur leikhlé. Nú á að leggja á ráðin til þess að sækja jöfnunarmarkið. Það styttist örugglega í það að hann taki markvörðin af velli til þess að bæta í sóknina 56 3:4 - Rúmlega fjórar mínútur eftir og leikurinn er gríðarlega hraður um þessar mundir. Ynjur reyna hvað þær geta að jafna en Ásynjur sækja líka til þess að reyna að ná fimmta markinu. 49 MARK! Teresa Snorradóttir (Ynjur) Mark 3:4 - HVAÐ ER AÐ GERAST? Ynjur reu í bullandi séns hérna eftir að hafa skorað tvö Powerplay-mörk á stuttum tíma. Rúmlega 10 mínútur eftir af leiknum og eins marks munur. 48 2:4 - Bart Moran, þjálfari Ásynja, tekur leikhlé! 47 Sarah Smiley (Ásynjur) 2 mín. brottvísun 2:4 - Ynjur fá annað tækifæri einum fleiri. 47 2:4 - Leikurinn er galopinn eftir þetta mark frá Berglindi Leifsdóttur þegar Ynjur voru einum fleiri á ísnum. 47 MARK! Berglind Leifsdóttir (Ynjur) Mark 46 Birna Baldursdóttir (Ásynjur) 2 mín. brottvísun 41 1:4 - Ynjur eiga væntanlega eftir að koma mjög grimmar til leiks í þessum síðasta leikhluta Íslandsmóts kvenna í íshokkí þessa leiktíðina. Þær eru þremur mörkum undir. 41 Þriðji leikhluti hafinn 40 Öðrum leikhluta lokið 40 1:4 1:4 - Díana Björgvinsdóttir bætir við forystu Ásynja. Hrikalega vond tímasetning fyrir Ynjur til að fá á sig mark en núna er þriggja marka munur á liðunum þegar að aðeins einn leikhluti er eftir. 39 MARK! Díana Björgvinsdóttir (Ásynjur) Mark 37 1:3 - Það er að færast hiti í leikinn og þær yngri sýna eldri enga virðingu þegar kemur að tæklingum og pústrum. Það er greinilega bikar í húfi. 32 1:3 - Þetta er stál í stál hérna á Akureyri. Allt galopið ennþá. 26 1:3 - Ynjur standa af sér stórsókn Ásynja sem léku einum fleiri. 23 Katrín Björnsdóttir (Ynjur) 2 mín. brottvísun 21 Annar leikhluti hafinn 20 Við lentum í smá netvandræðum en vonandi er þeim lokið. 20 Frábærum fyrsta leikhluta lokið. Ynjur byrjuðu betur og skoruðu strax á upphafsmínútunum. Við það vöknuðu þær eldri, í Ásynjum og svöruðu með þremur mörkum og stórsókn í seinni hluta leikhlutans. 20 Fyrsta leikhluta lokið 19 MARK! Birna Baldursdóttir (Ásynjur) Mark 18 MARK! Hrund Thorlacius (Ásynjur) Mark 11 MARK! Guðrún Viðarsdóttir (Ásynjur) Mark 2 MARK! Silvía Rán Björgvinsdóttir (Ynjur) Mark 1 Leikur hafinn 0 Þá skauta liðin inná og heilsast. Ynjur leika í sínum rauðu búningum en Ásynjur í hvítum. Styttist í þessa veislu. 0 Fimm mínútur eru þangað til leikurinn hefst. Búið að renna yfir ísinn og styttist í að við fáum liðin inná. Ynjurnar voru gríðarlega nálægt því að klára einvígið í síðasta leik, en gömlu brýnin í Ásynjum komu til baka og sóttu sigur. 0 Það eru allar líkur á því að leikurinn í kvöld verði jafn og spennandi. Ég ætla jafnvel að gerast svo djarfur að spá leiknum í framlengingu, en þessi lið eru allskostar ekkert óvön því að fara í framlengingar. 0 Þetta er þriðji leikur liðanna, en þau hafa unnið sinn leikinn hvort. 0 Verið velkomin með mbl.is í Skautahöll Akureyrar þar sem Ynjur og Ásynjur mætast í hreinum úrslitaleik um hvort liðið verði Íslandsmeistari í íshokkíi. Sjá meira Sjá allt Lýsandi: Siguróli Sigurðsson Völlur: Skautahöll Akureyrar Leikur hefst 11. mars 2018 18:30

• Blogga um frétt