Glatt á hjalla í Sandgerði í dag

Vel var fagnað í Sand­gerði í dag þegar lið Reyn­is tryggði sér sæti í 2. deild karla í knatt­spyrnu með því að sigra Álfta­nes, 3:1, á heima­velli.

Þar með eru Reyn­is­menn komn­ir í 2. deild­ina á ný eft­ir sex ára dvöl í tveim­ur neðstu deild­um Íslands­móts­ins. Þeir eiga enn þrjá leiki eft­ir en eru komn­ir fjór­tán stig­um á und­an KFG sem er í þriðja sæti deild­ar­inn­ar.

Kefl­vík­ing­ur­inn Har­ald­ur Freyr Guðmunds­son þjálf­ar lið Reyn­is og með liðinu leika gam­al­kunn­ir fyrr­ver­andi leik­menn Kefla­vík­ur, þeir Magnús Sverr­ir Þor­steins­son og Hörður Sveins­son.

Mörk liðsins í dag skoruðu Bene­dikt Jóns­son, Guðmund­ur Gísli Gunn­ars­son og Elt­on Barros.

KV úr Reykja­vík er einnig komið upp eft­ir úr­slit dags­ins í 3. deild­inni en leik­ur KV og Tinda­stóls stend­ur yfir. KFG, eina liðið sem gat mögu­lega farið upp­fyr­ir annaðhvort Reyni eða KV, tapaði 2:1 fyr­ir Hetti/​Hug­in í Fella­bæ.

• Blogga um frétt