Þór/KA lyfti sér frá botninum

Þór/​KA vann gríðarlega mik­il­væg­an 1:0 sig­ur á Sel­fossi í 16.um­ferð Pepsi Max-deild­ar kvenna í knatt­spyrnu nú í dag. Þór/​KA liðið er í harðri fall­bar­áttu og þurfti nauðsyn­lega á stig­un­um þrem­ur að halda.

Heima­kon­ur byrjuðu leik­inn að krafti og spiluðu fyrri hálfleik­inn virki­lega vel. Madel­ine Gotta var sér­stak­lega öfl­ug og hún kom liðinu yfir á 23.mín­útu leiks­ins. Hún lék á Barbáru á vinstri kant­in­um, keyrði inn að teign­um og skoraði með góðu skoti í fjær­hornið.

Heima­kon­ur fengu góð tæki­færi til þess að bæta við mörk­um í fyrri hálfleik. María Ólafs­dótt­ir Gros fékk besta færið, hún fékk send­ingu inn á teig­inn, komst fram hjá mark­manni Sel­fyss­inga en frá­bær tæk­ling hjá Áslaugu Dóru kom í veg fyr­ir að heima­kon­ur næðu að tvö­falda for­ust­una. Þrátt fyr­ir það var staðan 1:0 í hálfleik.

Í seinni hálfleik fengu heima­kon­ur fleiri færi til þess að bæta við marki en tókst ekki að skora. Eft­ir því sem leið á leik­inn sóttu Sel­fyss­ing­ar í sig veðrið en gekk afar illa að skapa sér færi. Þær áttu sem dæmi ekki skot á ramm­an í leikn­um. Það fór svo að Þór/​KA vann leik­inn 1:0 og náði í þrjú mik­il­væg stig. 

Fall­bar­átt­an í Pepsi Max deild kvenna er afar jöfn og  sig­ur­inn er því kær­kom­inn fyr­ir Þór/​KA liðið. Þegar þetta er skrifað er liðið í 7.sæti deild­ar­inn­ar með jafn mörg stig og Stjarn­an og Þrótt­ur en með lak­ari marka­tölu. Liðið er tveim­ur stig­um fyr­ir ofan ör­uggt sæti og það er í raun meiri­hluti deild­ar­inn­ar í fall­hættu þegar tvær um­ferðir eru eft­ir. Þór/​KA á eft­ir leiki við Þrótt og KR sem eru einnig í fall­bar­áttu og því mik­il­væg­ar vik­ur fram und­an.

Þór/​KA	1:0	Sel­foss	Opna lýs­ingu Loka
90. mín. Kar­en María Sig­ur­geirs­dótt­ir (Þór/​KA) á skot fram­hjá Skot yfir markið.
Madeline Gotta (23. mín.) Mörk mín. 90 Leik lokið Gríðarlega mikilvægur sigur Þór/KA staðreynd. 90 Brynja Líf Jónsdóttir (Selfoss) kemur inn á +2 90 Anna María Friðgeirsdóttir (Selfoss) fer af velli +2 90 Tveimur mínútum bætt við. 90 Karen María Sigurgeirsdóttir (Þór/KA) á skot framhjá Skot yfir markið. 90 Hulda Ósk Jónsdóttir (Þór/KA) á skot sem er varið Góður sprettur hjá Huldu sem kemst inn í teig en Kaylan enn og aftur að verja vel. 88 Helena Hekla Hlynsdóttir (Selfoss) kemur inn á 88 Karitas Tómasdóttir (Selfoss) fer af velli 88 Leikurinn kominn aftur af stað. 87 Leikurinn stöðvaður þar sem Karitas þarf aðhlynningu. 84 Pressa við mark Þór/KA. Arna Sif hreinsar boltann að lokum upp í loft. Andri þjálfari Þór/KA biður leikmenn sína að hætta að selja sig. 82 Þór/KA fær hornspyrnu Önnur spyrna en í þetta skipti endar sóknin með markspyrnu Selfyssinga. 82 Berglind Baldursdóttir (Þór/KA) á skot framhjá Stórhætta við mark Selfoss. Berglind nær skoti í teignum en boltinn fer af varnarmanni og aftur fyrir. 81 Þór/KA fær hornspyrnu Hulda Ósk með frábæran einleik frá miðju sem endar með því að hún vinnur hornspyrnu. 80 Tíu mínútur eftir og Selfyssingar að sækja í sig veðrið. 77 Hulda Ósk Jónsdóttir (Þór/KA) kemur inn á 77 Margrét Árnadóttir (Þór/KA) fer af velli 77 Karen María Sigurgeirsdóttir (Þór/KA) á skot framhjá Karen með frábæran sprett og nær að komast inn í teig. Skotið fer þó framhjá markinu. 71 Karen María Sigurgeirsdóttir (Þór/KA) kemur inn á 71 Georgia Stevens (Þór/KA) fer af velli 70 Áslaug Dóra fellur eftir hornspyrnuna og Selfyssingar vilja víti. Bríet dæmir ekki sem er hárréttur dómur. 69 Selfoss fær hornspyrnu 65 Alltaf sér maður eitthvað nýtt í fótbolta. Misskilnignur í vörn Selfyssinga og Kaylan keyrir niður samherja sinn í teignum. Á einhvern ótrúlegan hátt fá Selfyssingar aukaspyrnu. 63 Arna Sif Ásgrímsdóttir (Þór/KA) á skot sem er varið Dauðafæri! Eftir hornspyrnuna dettur boltinn í teignum fyrir Örnu Sif sem á skot sem varnarmaður Selfyssinga bjargar á línu. 63 Þór/KA fær hornspyrnu 61 Heimakonur komast í skyndisókn en loka sendingin frá Maríu er ekki nægilega góð. 59 Mjög rólegt yfir leiknum þessa stundina. 50 Unnur Dóra Bergsdóttir (Selfoss) kemur inn á 50 Brynja Valgeirsdóttir (Selfoss) fer af velli 50 Heiða Ragney með aukaspyrnu, boltinn fer inn á teig Selfyssinga en yfir alla þvöguna og aftur fyrir. 47 Selfoss fær hornspyrnu Boltinn berst á Áslaugu Dóru en hún nær ekki að athafna sig áður en heimakonur koma boltanum frá. 46 Seinni hálfleikur hafinn 45 Hálfleikur Heimakonur með verðskuldaða forystu í hálfleik. Verið sterkari aðilinn og hafa haft tækifæri til þess að bæta við sem þær hafa ekki nýtt. 42 María C. Ólafsdóttir Gros (Þór/KA) á skot framhjá María kemst upp hægri kantinn eftir sendingu frá Heiðu. Hún keyrir inn að teignum og á skot sem fer rétt framhjá markinu. 41 Þóra Jónsdóttir (Selfoss) á skot framhjá Skot á lofti eftir að boltinn barst til hennar úr teig Þór/KA. skotið ekki gott og vel framhjá markinu. 40 Margrét Árnadóttir (Þór/KA) á skot sem er varið Margrét kemst í gott færi í teignum en skot hennar er beint á Kaylan í markinu. Gerði vel fram að skotinu en skotið ekki nógu gott. 37 Flott spil hjá heimakonum endar með skoti frá Georgiu en hún dæmd rangstæð. 35 Clara fellur í teignum eftir baráttu við varnarmann Þór/KA. Selfyssingar vilja víti en ekkert dæmt. Réttur dómur sýndist mér, fannst Clara fara auðveldlega niður þarna. 33 Georgia og Áslaug Dóra í baráttu. Georgia hefði sloppið í gegn en Áslaug Dóra gerir vel og vinnur einvígið. 29 Hætta við mark Þór/KA. Selfyssingar komast í góða stöðu í teignum en eftir klafs koma heimakonur boltanum frá. 28 Þór/KA fær hornspyrnu Boltinn fór aftur fyrir eftir björgun Áslaugar. Selfyssingar ná síðan að koma boltanum frá. 27 Gjörsamlega frábær björgun hjá Áslaugu Dóru. Madeline með sendingu inn fyrir á Maríu sem kemst framhjá Kaylan í markinu og er við það að setja boltann í netið þegar Áslaug kemur boltanum frá. 23 MARK! Madeline Gotta (Þór/KA) skorar 1:0 - Heimakonur komnar í verðskuldaða forystu! Madeline fær boltann vinstra meginn á vellinum eftir sendingu frá Huldu Karen. Fer frábærlega framhjá Barbáru og á skot í fjærhornið sem Kaylan ræður ekki við. Frábært mark hjá Madeline. 20 Heimakonur sterkari hér í upphafi leiks. Hafa átt nokkrar fyrirgjafir sem hafa ekki gengið með stuttu millibili. 18 Madeline Gotta kemst á sprett upp kantinn en fyrirgjöf hennar er ekki nægilega góð og boltinn fer aftur fyrir endamörk. 15 Madeline Gotta (Þór/KA) á skot framhjá Madeline keyrir inn völlinn af vinstri kantinum en skotið er hátt yfir. Madeline hefur verið lífleg hér í upphafi leiks. 13 Margrét Árnadóttir (Þór/KA) á skot framhjá Fín tilraun af löngu færi en boltinn yfir markið. 8 Hulda Björg með slæma sendingu til baka en Harpa er vel á verði og nær að hreinsa útaf. 6 Tiffany við það að sleppa í gegn en Hulda Björg verst vel. 3 Madeline Gotta með fína sendingu fyrir markið en enginn leikmaður Þór/KA nær að komast í boltann. 1 Leikur hafinn 0 Byrjunarliðin eru komin inn. Athygli vekur að Dagný Brynjarsdóttir er ekki í leikmannahópi Selfoss í dag en hún er að glíma við meiðsli. 0 Komiði sæl og blessuð og verið velkomin með mbl.is í beina textalýsingu frá leik Þórs/KA og Selfoss í Pepsi Max-deild kvenna. Sjá meira Sjá allt Þór/KA: (4-3-3) Mark: Harpa Jóhannsdóttir. Vörn: Hulda Karen Ingvarsdóttir, Arna Sif Ásgrímsdóttir, Hulda Björg Hannesdóttir, Saga Líf Sigurðardóttir. Miðja: Heiða Ragney Viðarsdóttir, Margrét Árnadóttir (Hulda Ósk Jónsdóttir 77), Berglind Baldursdóttir. Sókn: María C. Ólafsdóttir Gros, Georgia Stevens (Karen María Sigurgeirsdóttir 71), Madeline Gotta. Varamenn: (M), Karen María Sigurgeirsdóttir, Jakobína Hjörvarsdóttir, Hulda Ósk Jónsdóttir, Snædís Ósk Aðalsteinsdóttir. Selfoss: (4-3-3) Mark: Kaylan Marckese. Vörn: Barbára Sól Gísladóttir, Brynja Valgeirsdóttir (Unnur Dóra Bergsdóttir 50), Áslaug Dóra Sigurbjörnsdóttir, Anna María Friðgeirsdóttir (Brynja Líf Jónsdóttir 90). Miðja: Karitas Tómasdóttir (Helena Hekla Hlynsdóttir 88), Þóra Jónsdóttir. Sókn: Magdalena Anna Reimus, Clara Sigurðardóttir, Tiffany McCarty. Varamenn: Margrét Ósk Borgþórsdóttir (M), Embla Dís Gunnarsdóttir, Unnur Dóra Bergsdóttir, Helena Hekla Hlynsdóttir, Brynja Líf Jónsdóttir. Skot: Selfoss 1 (0) - Þór/KA 10 (4) Horn: Selfoss 2 - Þór/KA 4. Lýsandi: Baldvin Kári Magnússon Völlur: Boginn Leikur hefst 4. okt. 2020 13:30 Aðstæður: Dómari: Bríet Bragadóttir Aðstoðardómarar: Aðalsteinn Tryggvason og Eydís Ragna Einarsdóttir

• Blogga um frétt