Tilbúnir í baráttuna fyrir EM-sætinu

Íslenska karlalandsliðið í knattspyrnu æfði á Laugardalsvellinum í dag og fór yfir síðustu atriðin fyrir leikinn mikilvæga gegn Rúmenum sem fer þar fram annað kvöld klukkan 18.45.

Það er undanúrslitaleikur í umspilinu um sæti á EM 2021 en liðið sem vinnur annað kvöld leikur til úrslita á útivelli gegn annaðhvort Búlgaríu eða Ungverjalandi sem mætast á sama tíma.

Kristinn Magnússon ljósmyndari mbl.is var á Laugardalsvellinum í dag og myndaði íslensku leikmennina í upphitun.