Sekt vegna ummæla Rúnars

KR hef­ur verið sektað um 50.000 krón­ur vegna um­mæla sem Rún­ar Krist­ins­son, þjálf­ari liðsins, lét falla eft­ir leik KR og Fylk­is í úr­vals­deild karla í knatt­spyrnu, Pepsi Max-deild­inni, hinn 27. sept­em­ber síðastliðinn.

Frétt af mbl.is

Vís­ar um­mæl­um Rún­ars til aga­nefnd­ar KSÍ

Um­mæl­in lét Rún­ar falla í viðtali við net­miðil­inn Fót­bolta.net og Vísi.is en að mati Klöru Bjart­marz, fram­kvæmda­stjóra fé­lags­ins, voru þau til þess fall­in að skaða ímynd ís­lenskr­ar knatt­spyrnu.

Þá var einnig vegið að heiðarleika leik­manns Fylk­is, Ólafs Inga Skúla­son­ar, með um­mæl­um Rún­ars, eins og sagt var í yf­ir­lýs­ingu sem Fylk­ir sendi frá sér.

Fylk­is­menn unnu 2:1-sig­ur í leikn­um en sig­ur­markið kom úr víta­spyrnu sem var dæmd á Beiti Ólafs­son, markvörð KR, fyr­ir að brjóta á Ólafi Inga.

Rún­ar var afar ósátt­ur í viðtali eft­ir leik og sakaði Fylk­is­menn og Ólaf Inga um svindl og svínarí en Fylk­is­menn sendu frá sér yf­ir­lýs­ingu vegna um­mæla Rún­ars sem varð til þess að þeim var vísað til aga­nefnd­ar KSÍ.

Frétt af mbl.is

Veru­lega brugðið eft­ir um­mæli Rún­ars Krist­ins

Frétt af mbl.is

„Vor­um bara rænd­ir hérna“

• Blogga um frétt