Var ekki bjartsýnn á að vera áfram

Arn­ar Grét­ars­son mun halda áfram störf­um sem þjálf­ari úr­vals­deild­arliðs KA í knatt­spyrnu en hann skrifaði í dag und­ir nýj­an tveggja ára samn­ing við fé­lagið. Valtý Björn Val­týs­son í hlaðvarpsþætt­in­um Mín skoðun á Sport­FM í dag.

Arn­ar tók við liði KA um mitt sum­ar og gerði upp­runa­lega samn­ing út tíma­bilið með Ak­ur­eyr­arliðinu. Hann viður­kenn­ir að hafa upp­runa­lega ekki bú­ist við öðru en að hætta eft­ir sum­arið. „Ég get sagt það núna og ég sagði það við þá þegar ég skrifaði und­ir í byrj­un, að ég var ekk­ert rosa­lega bjart­sýnn á að ég yrði áfram,“ sagði Arn­ar sem síðar sner­ist hug­ur eft­ir að hafa starfað með fólk­inu í KA.

„En svo ferðu að vinna með fólk­inu og kynn­ast því, þá breyt­ast hlut­irn­ir. Ætl­un­in var kannski ekki að vera til lengri tíma en fólkið sem vinn­ur fyr­ir KA er virki­lega skemmti­legt. Ég hef sagt það síðustu vik­ur að sam­starfið er mjög gott og mér finnst gott að vera þarna. Það eina leiðin­lega er að hafa ekki fjöl­skyld­una.“

Und­ir stjórn Arn­ars hef­ur KA aðeins tapað einu sinni í þrett­án leikj­um, 1:0 gegn toppliði Vals, en unnið þrjá leiki og gert níu jafn­tefli. „Það eru marg­ir ung­ir og efni­leg­ir strák­ar þarna og ég tel hægt að gera skemmti­lega hluti með liðið.“

• Blogga um frétt