Aftur heim í Breiðablik

Knatt­spyrnu­kon­an Þór­dís Hrönn Sig­fús­dótt­ir er geng­in til liðs við upp­eld­is­fé­lag sitt Breiðablik og skrif­ar hún und­ir tveggja ára samn­ing við fé­lagið.

Þetta staðfesti fé­lagið á sam­fé­lags­miðlum sín­um í dag en Þór­dís kem­ur til fé­lags­ins frá KR þar sem hún lék á síðustu leiktíð.

Þór­dís, sem er 27 ára göm­ul, á að baki 115 leiki í efstu deild með Breiðabliki, Stjörn­unni, Þór/​KA og KR þar sem hún hef­ur skorað 23 mörk.

Þá á hún að baki tvo A-lands­leiki og 29 lands­leiki fyr­ir yngri landslið Íslands en hún hef­ur einnig leikið með sænsku liðunum Kristianstad og Älta í at­vinnu­mennsku.

„Við bjóðum Þórdísi Hrönn vel­komna í græna búning­inn á nýjan leik og óskum henni og Blik­um til ham­ingju með þessa frábæru viðbót í leik­manna­hópinn,“ seg­ir í til­kynn­ingu Blika.

• Blogga um frétt