Deildabikarnum og Meistarakeppninni aflýst
Setja bókamerki
Knattspyrnusamband Íslands, KSÍ, hefur aflýst keppni í deildabikarnum, Lengjubikarnum, og þá fer Meistarakeppni KSÍ ekki fram í ár.
Þetta staðfesti KSÍ á heimasíðu sinni í dag en átta liða úrslit í deildabikar karla voru nýhafin þegar æfinga- og keppnisbann var sett á laggirnar vegna fjórðu bylgju kórónuveirufaraldursins. Þá var riðlakeppninni í deildabikar kvenna ólokið.
Meistarakeppni KSÍ, þar sem ríkjandi Íslandsmeistarar mæta ríkjandi bikarmeisturum, hefur einnig verið aflýst en til stóð að þeir leikir myndu fara fram í karla- og kvennaflokki í apríl í upphafi tímabilsins.
„Stjórn KSÍ samþykkti að stöðva keppni í öllum deildum Lengjubikars KSÍ 2021 (karla og kvenna) að tillögu mótanefndar – keppninni er þar með lokið og ekki verða krýndir meistarar,“ segir í tilkynningu KSÍ.
„Þá tók stjórn ákvörðun um að Meistarakeppni KSÍ (karla og kvenna) fari ekki fram árið 2021,“ segir enn fremur í tilkynningunni.
Skoða tengsl vinsælla lyfja við sjaldgæfan sjúkdóm
„Frumskylda mín að huga að börnunum mínum“
Lögreglan treystir á rafmagnið
Hafði unnið á Maríuborg frá ágúst 2013
Flugslys í Washington: Enginn fundist á lífi
Rússneskir heimsmeistarar í listhlaupi voru um borð í vélinni
Momika myrtur í beinni á TikTok
Engin fjárheimild fyrir Fossvogsbrú