Gary Martin rekinn vegna agabrots
Setja bókamerki
Knattspyrnudeild ÍBV hefur rift samningi sínum við enska framherjann Gary Martin. Þetta staðfesti félagið á heimasíðu sinni í dag en samkvæmt tilkynningu Eyjamanna var um agabrot að ræða.
„Ákvörðun félagsins um riftun samnings má rekja til agabrots leikmannsins sem ekki verður samræmt skuldbindingum hans við félagið,“ segir í fréttatilkynningu Eyjamanna.
Martin, sem er þrítugur, framlengdi samning sinn við Eyjamenn út tímabilið 2023 í mars á þessu ári.
Framherjinn kom fyrst hingað til lands árið 2010 þegar hann gekk til liðs við ÍA á Akranesi en hann hefur einnig leikið með KR, Víkingi í Reykjavík og Val hér á landi.
Hann hefur skorað 87 mörk í 152 deildarleikjum hér á landi, þar af 57 mörk í 108 leikjum í efstu deild.
Hann skoraði ellefu mörk í nítján leikjum fyrir ÍBV þegar liðið endaði í 6. sæti Lengjudeildarinnar á síðustu leiktíð.
Bráðabirgðalögbann á Trump
Þúsundir flýja heimili sín á ný
„Breytir ekki okkar viðbúnaði“
Tveggja ára fangelsi fyrir manndráp á Lúx
„Hefur tekist að virkja fólkið í landinu með okkur“
Fer annan hring í borginni og framkvæmdir frestast
Útlit fyrir talsverða snjókomu