Arnar valdi 34 leikmenn fyrir landsleikina þrjá - 11 nýliðar

Arnar Þór Viðarsson þjálfari karlalandsliðs Íslands í knattspyrnu hefur valið 34 leikmenn fyrir vináttulandsleikina þrjá gegn Mexíkó, Færeyjum og Póllandi sem fram fara 30. maí, 4. júní og 8. júní.

Ellefu nýliðar eru í hópnum, markverðirnir Elías Rafn Ólafsson frá Fredericia og Patrik Sigurður Gunnarsson frá Silkeborg, Brynjar Ingi Bjarnason úr KA, Hörður Ingi Gunnarsson úr FH, Ísak Óli Ólafsson úr Keflavík, Kolbeinn Þórðarson frá Lommel, Rúnar Þór Sigurgeirsson úr Keflavík, Valgeir Lunddal Friðriksson frá Häcken, Gísli Eyjólfsson úr Breiðabliki, Stefán Teitur Þórðarson frá Silkeborg og Þórir Jóhann Helgason frá FH.

Af þeim sem voru í landsliðshópnum í marsmánuði vantar Hannes Þór Halldórsson, Sverrir Inga Ingason, Hörð Björgvin Magnússon, Guðlaug Victor Pálsson, Arnór Sigurðsson, Ara Frey Skúlason, Jóhann Berg Guðmundsson, Hólmbert Aron Friðjónsson og Hólmar Örn Eyjólfsson.

Gylfi Þór Sigurðsson og Alfreð Finnbogason voru ekki með í þeim leikjum og eru heldur ekki með í þessu verkefni.

Viðar Örn Kjartansson, Mikael Anderson, Jón Guðni Fjóluson, Aron Elís Þrándarson, Andri Fannar Baldursson og Guðmundur Þórarinsson koma inn í hópinn á ný, eftir mislanga fjarveru.

Hópnum verður skipt niður þannig að einungis hluti leikmannanna mun taka þátt í öllum leikjunum. Þeir tíu sem eru merktir með stjörnu hér fyrir neðan verða ekki með gegn Mexíkó í Texas en koma inn í hópinn fyrir leikina í Færeyjum og Póllandi. Hinir 24 fara til Texas en það skýrist síðar hverjir þeirra verða áfram í hópnum fyrir hina tvo leikina.

Markmenn

• Elías Rafn Ólafsson | Fredericia
• Rúnar Alex Rúnarsson | Arsenal | 8 leikir
• Ögmundur Kristinsson | Olympiacos | 17 leikir
• Patrik Sigurður Gunnarsson | Silkeborg *

Varnarmenn

• Birkir Már Sævarsson | Valur | 97 leikir, 3 mörk
• Brynjar Ingi Bjarnason | KA
• Hjörtur Hermannsson | Bröndby | 19 leikir, 1 mark
• Hörður Ingi Gunnarsson | FH
• Ísak Óli Ólafsson | Keflavík | 0 leikir
• Kári Árnason | Víkingur R. | 89 leikir, 6 mörk
• Kolbeinn Þórðarson | Lommel 
• Ragnar Sigurðsson | 97 leikir, 5 mörk
• Rúnar Þór Sigurgeirsson | Keflavík
• Alfons Sampsted | Bodö/Glimt | 3 leikir *
• Guðmundur Þórarinsson | New York City | 5 leikir *
• Jón Guðni Fjóluson | Hammarby | 17 leikir, 1 mark *
• Valgeir Lunddal Friðriksson | Häcken *

Miðjumenn

• Andri Fannar Baldursson | Bologna | 1 leikur
• Aron Einar Gunnarsson | Al-Arabi | 94 leikir, 2 mörk
• Aron Elís Þrándarson | OB | 5 leikir
• Birkir Bjarnason | Brescia | 95 leikir, 14 mörk
• Gísli Eyjólfsson | Breiðablik
• Ísak Bergmann Jóhannesson | Norrköping | 2 leikir
• Stefán Teitur Þórðarson | Silkeborg
• Þórir Jóhann Helgason | FH
• Arnór Ingvi Traustason | New England Revolution | 40 leikir, 5 mörk *
• Jón Dagur Þorsteinsson | AGF | 7 leikir, 1 mark *
• Mikael Neville Anderson | Midtjylland | 7 leikir *
• Rúnar Már Sigurjónsson | CFR Cluj | 32 leikir, 2 mörk *

Sóknarmenn

• Jón Daði Böðvarsson | Millwall | 57 leikir, 3 mörk
• Kolbeinn Sigþórsson | Göteborg | 62 leikir, 26 mörk
• Sveinn Aron Guðjohnsen | OB | 1 leikur
• Albert Guðmundsson | AZ Alkmaar | 20 leikir, 3 mörk *
• Viðar Örn Kjartansson | Vålerenga | 28 leikir, 4 mörk *

• Blogga um frétt