Ragnar dró sig óvænt úr landsliðshópnum
Setja bókamerki
Ragnar Sigurðsson hefur dregið sig óvænt úr íslenska landsliðshópnum í knattspyrnu sem mætir Mexíkó, Færeyjum og Póllandi í vináttuleikjum á næstu dögum. Þetta tilkynnti KSÍ á samfélagsmiðlum sínum í gærkvöldi.
Í tilkynningu KSÍ kemur fram að Ragnar hafi dregið sig úr hópnum af persónulegum ástæðum en hann er sem stendur án félags eftir að samningur hans við úkraínska úrvalsdeildarfélagið Rukh Lviv rann út á dögunum.
„Ragnar Sigurðsson verður ekki með landsliðinu í komandi vináttuleikjum, af persónulegum ástæðum, og hefur hann þegar yfirgefið hópinn,“ segir í tilkynningu KSÍ.
„Ekki verður kallað á annan leikmann í hópinn fyrir leikinn við Mexíkó, en ákvörðun varðandi leikina við Færeyjar og Pólland verður tekin síðar,“ segir enn fremur í tilkynningunni.
Ragnar hefur verið lykilmaður í vörn íslenska liðsins undanfarinn áratug og er næstleikjahæsti landsliðsmaður Íslands frá upphafi með 97 A-landsleiki á bakinu.
Ók á hóp fólks á jólamarkaði: Einn látinn
Stóðu skógarþjófa að verki
„Börn heima sem maður myndi vilja hafa í skjóli“
Barn lést í árásinni
Beint: Hverjir verða í nýrri ríkisstjórn?
Víkingar komnir yfir 800 milljónir í greiðslur
Auglýsingin var villandi
Nágrannaþjóðir upplýstar en við vöðum í blindni