Breiðablik lagði Tindastól - Fylkir skoraði fimm
Setja bókamerki
Breiðablik og Fylkir tryggðu sér sæti í átta liða úrslitum bikarkeppni kvnena í knattspyrnu, Mjólkurbikarnum í kvöld. Breiðablik vann nauman sigur gegn Tindastól á Kópavogsvelli á meðan Fylkir burstaði Keflavík á Würth-vellinum í Árbænum.
Heiðdís Lillýardóttir kom Blikum yfir strax á 16. mínútu gegn Tindastóli og Agla María Albertsdóttir tvöfaldaði forystu Blika á 68. mínútu.
Murielle Tiernan minnkaði muninn fyrir Tindastól á 79. mínútu en lengra komust Stólarnir ekki og Breiðablik fagnaði 2:1-sigri.
Þá skoraði Þórdís Elva Ágústsdóttir tvívegis fyrir Fylki þegar liðið vann 5:1-stórsigur gegn Keflavík.
Hulda Hrund Arnarsdóttir kom Fylki yfir undir lok fyrri hálfleiks en Natasha Anasi jafnaði metin fyrir Keflavík á 55. mínútu.
Shannon Simon kom Fylki yfir á nýjan leik á 60. mínútu og Þórdís Elva skoraði þriðja mark Fylkis þremur mínútum síðar.
Þórdís Elva og Bryndís Arna Níelsdóttir bættu svo við sitt hvoru markinu fyrir Fylki í uppbótartíma og þar við sat.
Átta liða úrslit bikarkeppninnar fara fram dagana 25.-26. júní en Þróttur í Reykjavík og ÍBV hafa einnig tryggt sér sæti í átta liða úrslitunum ásamt Breiðabliki og Fylki.
Markaskorarar fengnir af fótbolta.net.
Jörðin hvorki flöt né kringlótt
Gerir ráð fyrir frekari málaferlum
Gullhúðun stöðvar Hvammsvirkjun
Mærir starfskrafta og samfélagssýn Þórðar Snæs
Veltir deilumálinu fyrir sér
„Aldrei tekist áður í heiminum“
Hringvegurinn settur á óvissustig
