Sérstaklega sætt fyrir uppalinn HK-ing

Damir Mum­in­ovic, varn­ar­maður Breiðabliks, ræddi við mbl.is eft­ir 3:2-sig­ur á HK í Kórn­um í Pepsi Max-deild­inni í fót­bolta í kvöld. Breiðablik var 1:2-und­ir þegar tíu mín­út­ur voru til leiks­loka en skoraði tvö mörk í lok­in.

„Það sýn­ir hversu stór karakt­er er í þessu liði. Við hætt­um ekki að berj­ast, náum að snúa þessu við og klára leik­inn sem er mjög sætt. Þetta eru alltaf öðru­vísi leik­ir á móti HK. Við náðum að láta bolt­ann ganga bet­ur og spiluðum vel. Það var gott að klára þetta og nú ein­beit­um við okk­ur að næsta leik,“ sagði Damir, kát­ur með sig­ur í granna­slagn­um.

Damir er upp­al­inn HK-ing­ur og hef­ur gengið illa hjá Blik­um gegn erkifjend­un­um und­an­far­in ár. Sig­ur­inn var því sér­stak­lega kær­kom­inn. „Þetta er það, sér­stak­lega sætt fyr­ir mig líka þar sem ég er upp­al­inn HK-ing­ur. Það var mjög gott að vinna.“

Blikar hafa verið á góðu skriði á síðustu vik­um og fór liðið upp í annað sætið með sigr­in­um í kvöld. „Við erum bún­ir að þrosk­ast sem lið og læra frá því í fyrra. Við erum ekki að gera sömu mis­tök og í fyrra og nú ligg­ur leiðin bara upp á við,“ sagði Damir.  

• Blogga um frétt