Sævar orðinn lærisveinn Freys

Knatt­spyrnumaður­inn Sæv­ar Atli Magnús­son er orðinn leikmaður Lyng­by í Dan­mörku. Hann skrifaði í dag und­ir samn­ing við fé­lagið sem gild­ir til árs­ins 2024.

Sæv­ar er 21 árs fram­herji sem hef­ur leikið með Leikni úr Reykja­vík all­an fer­il­inn, alls 105 leiki í deild og bik­ar þar sem hann hef­ur skorað 43 mörk. Hann hef­ur verið burðarás í Leikn­isliðinu í sum­ar og skorað 10 af 15 mörk­um liðsins í Pepsi Max-deild­inni og verið fyr­irliði liðsins.

Freyr Al­ex­and­ers­son er þjálf­ari Lyng­by en hann er einnig upp­al­inn Leikn­ismaður. Lyng­by hef­ur farið vel af stað á leiktíðinni og unnið þrjá fyrstu leiki sína í deild og bik­ar.

Sæv­ar var kynnt­ur til leiks hjá fé­lag­inu í dag á viðeig­andi hátt eða með eld­gosi, eins og sjá má hér fyr­ir neðan.

• Blogga um frétt