Sú bandaríska á leið til Íslendingaliðs

Banda­ríski fram­herj­inn Dela­ney Baie Pridham, sem hef­ur leikið með kvennaliði ÍBV í knatt­spyrnu í sum­ar, er á leið til sænska úr­vals­deild­arliðsins Kristianstad.

Þetta herma ör­ugg­ar heim­ild­ir mbl.is. Pridham geng­ur al­farið til liðs við Kristianstad og hef­ur spilað sinn síðasta leik fyr­ir ÍBV.

Hún hef­ur leikið frá­bær­lega fyr­ir Eyja­kon­ur á tíma­bil­inu og skorað sjö mörk í 10 deild­ar­leikj­um í úr­vals­deild­inni, Pepsi Max-deild­inni, auk þess sem hún skoraði eitt mark í tveim­ur bikarleikj­um í Mjólk­ur­bik­arn­um.

Er hún marka­hæsti leikmaður ÍBV á tíma­bil­inu og því ljóst að um mikla blóðtöku er að ræða fyr­ir Eyja­kon­ur, sem eru um miðja deild í sjötta sæti með 16 stig eft­ir 13 leiki.

Sam­kvæmt heimasíðu KSÍ er Pridham þegar búin að fá fé­laga­skipti yfir til Svíþjóðar og má bú­ast við því að Íslend­ingalið Kristianstad muni til­kynna um komu henn­ar á næst­unni.

Elísa­bet Gunn­ars­dótt­ir er þjálf­ari Kristianstad og Svein­dís Jane Jóns­dótt­ir leik­ur með liðinu á láni frá Wolfs­brug og hin þaul­reynda Sif Atla­dótt­ir er einnig á mála hjá liðinu.

• Blogga um frétt