„Hef aldrei reynt að hylma yfir neitt“
Setja bókamerki
Geir Þorsteinsson, fyrrverandi formaður KSÍ, segist aldrei hafa reynt að hylma yfir meint brot landsliðsmanna karlalandsliðsins í knattspyrnu á meðan hann gegndi embætti formanns KSÍ.
Formaðurinn fyrrverandi starfaði lengi fyrir knattspyrnuhreyfinguna, fyrst sem framkvæmdastjóri KSÍ frá 1997 og síðar sem formaður sambandsins frá árinu 2007.
Geir lét af störfum sem formaður KSÍ í febrúar 2017 en Guðni Bergsson tók þá við embættinu og gegndi því allt þangað til í gær þegar hann lét af störfum.
„Ég hef enga vitneskju um þau mál sem um er rætt núna í tengslum við Knattspyrnusambandið og leikmenn karlalandsliðsins,“ sagði Geir í samtali við mbl.is.
„Ég fór að heyra af einhverjum málum fyrir einhverju síðan í kjölfar Gylfamálsins. Það kom aldrei neitt inn á borð til mín á meðan ég var formaður og ég heyrði aldrei af neinu slíku.
Ég hef aldrei reynt að hylma yfir neitt,“ bætti fyrrverandi formaðurinn við í samtali við mbl.is.
Komið „meira púður“ í viðræðurnar
Traust til kvenleiðtoga fer minnkandi
Komu fólki til aðstoðar í Ísafjarðardjúpi
Sleginn yfir grófri framkomu gegn fjölskyldunni
„Allt í rusli“ við brúargerð á Vestfjörðum
Hagsmunir íbúa að leiðarljósi
Önnur aurskriða við Eyrarhlíð
