„Það er mjög erfitt fyrir alla að finna réttu orðin,“ sagði Arnar Þór Viðarsson, þjálfari íslenska karlalandsliðsins í knattspyrnu, í samtali við fjölmiðlamenn á blaðamannafundi á Zoom í dag.

Frétt af mbl.is

Guðjohnsen í fyrsta sinn í landsliðshópnum

Íslenska karlalandsliðið mætir Rúmeníu á fimmtudaginn kemur á Laugardalsvelli í undankeppni HM en mikið hefur gustað um Knattspyrnusamband Íslands undanfarna daga vegna þöggunar og meðvirkni með meintum gerendum.

„Ég er með 39 manna hóp inn í „búbblu“ á hóteli,“ sagði Arnar meðal annars.

„Þetta fólk hefur ekki gert neitt af sér en samt sem áður liggja allir undir grun. Það er erfitt að segja eitthvað rétt því það er einhvern veginn alltaf allt rangt.

Það þýðir samt ekki að okkur sé alveg sama. Fólk þarf að gera sér grein fyrir því að það er bara erfitt fyrir leikmennina að sitja fyrir svörum því þeir eru hræddir við að segja eitthvað rangt.

Ég sagði við Eið Smára Guðjohnsen á sunnudaginn að við gætum allt eins búist við því að leikmenn, sem myndu meiðast í leikjum á sunnudaginn, hefðu ekki kjark til að láta okkur vita að þeir væru meiddir.

Við erum komnir þangað núna að leikmenn eru bara hræddir og það er mjög slæmt, og erfitt,“ bætti landsliðsþjálfarinn við.

Tengdar fréttir

Kynferðisbrot innan KSÍ

Landsréttur mildar þriggja ára nauðgunardóm

• „Stjórnarmenn og starfsmenn til margra ára hrökkluðust í burtu“
• Braut persónuverndarlög – Óljóst um miskabætur
• Mál Arons og Eggerts fellt niður
• Landsliðsferlinum lokið?

» Fleiri tengdar fréttir

• Blogga um frétt