„Allir sem þekkja mig vita fyrir hvað ég stend“

Klara Bjartmarz, framkvæmdastjóri KSÍ, er komin í ótímabundið leyfi frá störfum og birti hún yfirlýsingu á Facebook-síðu sinni í dag þess efnis.

Frétt af mbl.is

Klara Bjartmarz í leyfi

Sambandið hefur verið harðlega gagnrýnt fyrir þöggun og meðvirkni með meintum gerendum innan sambandsins en Guðni Bergsson steig til hliðar á sunnudaginn síðasta.

Stjórn KSÍ fylgdi svo í kjölfarið á mánudagskvöldið en boðað verður til aukaþings á næstunni þar sem nú bráðabirgðastjórn verður kjörin.

„Síðustu dagar hafa verið erfiðir,“ segir í yfirlýsingu sem framkvæmdastjórinn sendi frá sér en hún gaf mbl.is leyfi til að birta hana.

„Allir sem þekkja mig vita fyrir hvað ég stend. Ekki spurning að í öllu þessu mátti ýmislegt betur fara.

Ég styð þolendur, alltaf allsstaðar. Um það skal enginn efast,“ segir meðal annars í yfirlýsingu framkvæmdastjórans.

Yfirlýsing Klöru:

Kæru vinir.

Eins og sjá má í fréttum þá er ég komin í leyfi. 
Síðustu dagar hafa verið erfiðir.
Allir sem þekkja mig vita fyrir hvað ég stend.
Ekki spurning að í öllu þessu mátti ýmislegt betur fara.

Ég styð þolendur, alltaf allsstaðar.
Um það skal enginn efast.

Takk fyrir allar kveðjurnar og stuðninginn.
Ég met það mikils.
Sjáumst fljótlega.

• Blogga um frétt