Íþróttir | Íslenski fótboltinn | mbl | 6.9.2021 | 13:38

Hópurinn gegn Hollandi – Amanda valin í fyrsta sinn

Hin bráðefnilega Amanda Andradóttir er aðeins 17 ára gömul. Ljósmynd/Vålerenga

Þorsteinn Halldórsson þjálfari A-landsliðs kvenna í knattspyrnu hefur tilkynnt hvaða leikmenn muni taka þátt í leik gegn Evrópumeisturum Hollands í undankeppni HM 2023. Ungstirnið Amanda Andradóttir er valin í hópinn í fyrsta sinn.

Amanda var á dögunum valin í norska U19-ára landsliðið en hefur nú þekkst boð um að taka þátt í komandi verkefni gegn Hollandi, en leikurinn fer fram á Laugardalsvelli þann 21. september næstkomandi.

Fjórar breytingar eru á landsliðshópnum frá síðasta verkefni. Sif Atladóttir snýr aftur í hópinn og Hlín Eiríksdóttir og Guðrún Arnardóttir koma einnig inn auk Amöndu.

Hafrún Rakel Halldórsdóttir, Svava Rós Guðmundsdóttir, Kristín Dís Árnadóttir og Berglind Rós Ágústsdóttir detta út úr hópnum.

Hópurinn í heild sinni:

Sandra Sigurðardóttir - Valur - 36 leikir

Cecilía Rán Rúnarsdóttir - KIF Örebro - 3 leikir

Auður Sveinbjörnsdóttir Scheving - ÍBV

Elísa Viðarsdóttir - Valur - 40 leikir

Guðný Árnadóttir - AC Milan - 10 leikir

Glódís Perla Viggósdóttir - Bayern Munich - 93 leikir, 6 mörk

Ingibjörg Sigurðardóttir - Valerenga - 37 leikir

Guðrún Arnardóttir - Rosengard - 11 leikir

Sif Atladóttir - Kristianstads DFF - 82 leikir

Hallbera Guðný Gísladóttir - AIK - 119 leikir, 3 mörk