Kvennalið Breiðabliks í knattspyrnu dróst rétt í þessu gegn stórliði París Saint-Germain í riðlakeppni Meistaradeildar Evrópu sem hefst í næsta mánuði.
Frakklandsmeistarar PSG og Breiðablik eru saman í B-riðli ásamt Real Madríd og Zhytlobud Kharkiv frá Úkraínu.
Dregið var í höfuðstöðvum Knattspyrnusambands Evrópu í Nyon í Sviss.
Drátturinn í heild sinni:
A-riðill:
Chelsea
Wolfsburg
Juventus
Servette
B-riðill:
París Saint-Germain
Breiðablik
Real Madríd
Zhytlobud Kharkiv
C-riðill:
Barcelona
Arsenal
Hoffenheim
Köge
D-riðill:
Bayern München
Lyon
Häcken
Benfica
Á þessu tímabili fer riðlakeppni fram í fyrsta skipti í Meistaradeildinni kvennamegin, en hingað til hefur einungis verið stuðst við útsláttarkeppni. Fyrstu leikirnir í riðlakeppninni fara fram 5. og 6. október næstkomandi.
Undir gamla fyrirkomulaginu hefur Breiðablik lengst komist í átta liða úrslit. Það var haustið 2006 þegar liðið laut í lægra haldi gegn Arsenal, sem vann svo keppnina það tímabilið.