Íþróttir | Íslenski fótboltinn | mbl | 25.10.2021 | 11:12 | Uppfært 14:13

Hafa sett sig í samband við lögreglu

Mál Arons Einars Gunnarssonar og Eggerts Gunnþórs Jónssonar eru til rannsóknar hjá lögreglu. mbl.is/Golli

Engin skýrslutaka hefur farið fram í máli knattspyrnumannanna Arons Einars Gunnarssonar og Eggerts Gunnþórs Jónssonar. Þetta staðfesti lögmaður Eggerts Gunnþórs í samtali við mbl.is í dag.

Sakaður um kynferðisbrot ásamt Aroni Einari

Leikmennirnir hafa báðir verið sakaðir um kynferðisbrot sem á að hafa átt sér stað eftir verkefni íslenska karlalandsliðsins í Kaupmannahöfn árið 2010.

Yfirlýsing Eggerts: Fullkomlega saklaus

Málið vakti fyrst athygli í maí á þessu ári þegar meintur brotaþoli deildi upplifun sinni af meintri nauðgun á samfélagsmiðlum en RÚV greindi frá því í lok september að rannsókn í máli Arons og Eggerts hefði verið tekin upp að nýju.

Frétt af mbl.is

Yfirlýsing Arons: Gagnrýnir KSÍ harðlega

„Skjólstæðingur minn vill að sjálfsögðu fá að svara fyrir þessar ásakanir en hvenær það verður er erfitt að segja til um,“ sagði lögmaður Eggerts í samtali við mbl.is.

„Málið er til rannsóknar hjá lögreglu en ég geri ráð fyrir því að það fari fram einhver skýrslutaka í nóvember án þess þó að ég geti svarað nákvæmlega fyrir það.

Við erum að reyna að ýta þessu áfram og höfum sett okkur í samband við lögreglu þar sem kallað hefur verið eftir því að skjólstæðingur minn fái að gefa skýrslu.

Þeir neita báðir sök eins og kom fram í yfirlýsingum þeirra beggja og það er erfitt fyrir þá að tjá sig frekar um þetta mál fyrr en þeir eru búnir að ræða við lögreglu,“ bætti lögmaður Eggerts við í samtali við mbl.is.