Eiður Smári er stærsta nafn í íslenskri knattspyrnusögu
Setja bókamerki
„Eiður Smári Guðjohnsen er stærsta nafn í íslenskri knattspyrnusögu,“ sagði Ómar Smárason, deildarstjóri samskiptadeildar KSÍ, í samtali við mbl.is í dag.
Eiður Smári lét af störfum sem aðstoðarþjálfari íslenska karlalandsliðsins í gær eftir að stjórn KSÍ ákvað að nýta sér uppsagnarákvæði í samningi hans.
Þjálfarinn fyrrverandi var ráðinn aðstoðarþjálfari íslenska liðsins í desember á síðasta ári en hafði fram að þeim tíma stýrt U21-árs landsliðinu ásamt Arnari Þór Viðarssyni frá því í janúar 2019.
Eiður Smári lék 88 A-landsleiki fyrir Íslands á árunum 1996 til ársins 2016 þar sem hann skoraði 26 mörk en hann er markahæsti leikmaður í sögu liðsins ásamt Kolbeini Sigþórssyni.
„Eiður Smári er hetja margra knattspyrnuunnenda og verður það auðvitað áfram,“ sagði Ómar.
„Vonandi nær hann flugi í því sem hann tekur sér fyrir hendur í framtíðinni, hvort sem það snýr að knattspyrnu eða einhverju öðru.
Þetta var erfið og þungbær ákvörðun að taka fyrir stjórnina og Eið auðvitað en vonandi leiðir sagan það í ljós að þetta hafi verið rétt ákvörðun,“ bætti Ómar við í samtali við mbl.is.
Jóvin veldur usla: Mesti vindhraði í sögu landsins
„Hefur tekist að virkja fólkið í landinu með okkur“
„Þessi krafa stendur enn óhögguð“
Með þeim stærri sem hafa mælst
Björn segir af sér stjórnarformennsku
Sviptur leyfi eftir hundamisnotkun
Nítján vélum Icelandair seinkaði