Reikna með því að málið verði fellt niður
Setja bókamerki
Knattspyrnumennirnir Aron Einar Gunnarson og Eggert Gunnþór Jónsson munu ekki tjá sig að sinni um meint kynferðisbrot sem átti sér stað í Kaupmannahöfn árið 2010. Þetta kom fram í tilkynningu sem lögmaður Arons Einars sendi mbl.is núna rétt í þessu.
Aron Einar og Eggert Gunnþór fóru í skýrslutöku hjá lögreglunni á höfuðborgarsvæðinu fyrr í vikunni í tengslum við rannsókn á málinu en RÚV greindi fyrst frá í dag.
Ævar Pálmi Pálmason, yfirmaður kynferðisbrotadeildar, sagði í samtali við RÚV að rannsókn á ofbeldisbroti sem kom upp í Kaupmannahöfn fyrir ellefu árum síðan miði vel en vildi að öðru leyti ekki tjá sig frekar um málið.
„Skjólstæðingar okkar hafa þegar lýst yfir sakleysi sínu og hafa nú loksins fengið að segja formlega frá sinni hlið í skýrslutöku hjá lögreglu eins og þeir óskuðu eftir,“ segir í tilkynningu lögmanna tvímenninganna.
„Þeir hafna því með öllu að hafa brotið af sér og reikna með að málið verði fellt niður. Afstaða þeirra er því alveg óbreytt. Að öðru leyti vísast til fyrri yfirlýsinga þeirra en þeir munu ekki tjá sig frekar um málið að sinni,“ segir ennfremur í tilkynningunni.
/frimg/1/30/7/1300734.jpg)
Nokkrar skriður féllu á Vestfjörðum
Munu áfrýja beint til Hæstaréttar
„Skjálftaklessa á milli Grímseyjar og Öxarfjarðar“
Taldi betra fyrir drengina að deyja
Önnur aurskriða við Eyrarhlíð
Komið „meira púður“ í viðræðurnar
„Allt í rusli“ við brúargerð á Vestfjörðum
