„Þetta var upphafið að falli KSÍ,“ sagði Eva Björk Benediktsdóttir, íþróttafréttamaður á RÚV, í íþróttauppgjöri Dagmála, frétta- og menningarlífsþáttar Morgunblaðsins.

Það gekk mikið á hjá Knattspyrnusambandi Íslands á árinu 2021 en sambandið var harðlega gagnrýnt fyrir þöggun og meðvirkni með meintum gerendum innan sambandsins.

Guðni Bergsson sagði af sér sem formaður sambandsins í lok ágúst og stjórn KSÍ fylgdi svo í kjölfarið degi síðar.

„Það kom upp hvert málið á fætur öðru hjá KSÍ og þetta var í raun bara eins og einhver lygasaga þegar öll þessi mál hrúguðust inn,“ sagði Kristjana Arnarsdóttir á RÚV.

„Öll þessi mál voru mjög illa tækluð líka og maður hugsaði oft að vont gæti ekki versnað en svo bara varð þetta verra og verra og maður hristir í raun bara hausinn yfir þessu núna, hugsandi til baka,“ bætti Kristjana við.

Áramótaþátt og íþróttauppgjör Dagmála í heild sinni má nálgast með því að smella hér.

Eiður Smári Guðjohnsen lét af störfum sem aðstoðarþjálfari karlalandsliðsins í lok nóvember. mbl.is/Eggert Jóhannesson

Tengdar fréttir

Dagmál

Skiljanlegt að verðtryggðir vextir hækki

• Getum ekki skilið manninn algerlega frá pólitíkinni
• Eitt mesta efni sem Ísland hefur átt
• Ásókn í bújarðir – boðnar háar fjárhæðir
• Fæðuöryggi: „Áttum mat í þrjár vikur“

» Fleiri tengdar fréttir

• Blogga um frétt