Einnig leikið gegn Finnum í mars
Setja bókamerki
Knattspyrnusamband Íslands, KSÍ, hefur tilkynnt að íslenska karlalandsliðið muni einnig spila vináttulandsleik gegn Finnlandi í landsleikjaglugganum í mars.
Áður hafði verið tilkynnt um vináttuleik við Spánverja á Spáni 29. mars. Leikurinn við Finnland og fer fram þremur dögum fyrr, þann 26. mars, og verður hann einnig leikinn á Spáni.
Samkvæmt tilkynningu KSÍ verður leikstaður leiksins við Spánverja tilkynntur síðar en leikurinn við Finna fer fram á Stadium Enrique Roca í Murcia.
Finnar eru sem stendur í 58. sæti á styrkleikalista FIFA og voru á meðal þátttökuþjóða í úrslitakeppni EM síðasta sumar.
Finnland og Ísland hafa mæst 12 sinnum í A-landsliðum karla og var fyrsta viðureignin leikin árið 1956. Ísland hefur unnið þrjá leiki, tvisvar sinnum hafa liðin gert jafntefli og sjö sinnum hafa Finnar farið með sigur af hólmi.
A-landslið karla leikur einnig tvo vináttuleiki í janúar, gegn Úganda þann 12. janúar og Suður-Kóreu 15. janúar. Fara þeir báðir fram í Tyrklandi.
Leikmannahópurinn fyrir það verkefni verður tilkynntur í vikunni.
Skoða verkfallsbrot í Snæfellsbæ
„Pólitískur hráskinnaleikur“ kom í veg fyrir samning
„Leiðinleg og erfið staða“
Greiða atkvæði um ótímabundin verkföll í dag
„Skömm að því“
Guðlaugur býður sig ekki fram til formanns
Samþykkt að fjölga lögreglumönnum