Ég var bara of feitur

Knatt­spyrnumaður­inn Ísak Snær Þor­valds­son ætl­ar sér að berj­ast um Íslands­meist­ara­titil­inn með Breiðabliki á kom­andi keppn­is­tíma­bili.

Miðjumaður­inn, sem er tví­tug­ur, skrifaði und­ir þriggja ára samn­ing við Blika í vik­unni en hann er upp­al­inn hjá Aft­ur­eld­ingu í Mos­fells­bæ.

Ísak gekk til liðs við Breiðablik frá Norwich þar sem hann hef­ur verið samn­ings­bund­inn frá ár­inu 2017 en hann hef­ur einnig leikið með Fleetwood á Englandi, St. Mir­ren í Skotlandi og ÍA hér á landi á ferl­in­um.

Alls á hann að baki 27 leiki í efstu deild þar sem hann hef­ur skorað þrjú mörk og þá á hann að baki 23 lands­leiki fyr­ir yngri landslið Íslands þar sem hann hef­ur skorað eitt mark.

„Ég er mjög sátt­ur við þessi fé­laga­skipti til Breiðabliks,“ sagði Ísak í sam­tali við Morg­un­blaðið.

Ísak hef­ur leikið með ÍA á láni frá Norwich und­an­far­in tvö tíma­bil en hann var frá­bær fyr­ir Skaga­menn á seinni hluta síðasta tíma­bils.

„Þegar ég samdi upp á Skaga sum­arið 2020 þá var ég fyrst og fremst að hugsa um það að spila fót­bolta og koma mér í leik­form. Þegar tíma­bilið 2021 hófst þá var ég bara of feit­ur svo við segj­um það bara eins og það er. Ég var þung­ur á mér en ég tók ekki eft­ir því sjálf­ur. Ég reif mig loks­ins í gang þegar fólk fór að nefna þetta sér­stak­lega við mig og ég missti ein­hver fjög­ur kíló á tveim­ur vik­um.“

Viðtalið í heild sinni má sjá á íþrótt­asíðum Morg­un­blaðsins í dag.