Fá Reykjavíkurbikarinn afhentan á morgun
Setja bókamerki
Kvennalið Þróttar úr Reykjavík í knattspyrnu fær Reykjavíkurbikarinn afhentan á morgun. Þetta kom fram í fréttatilkynningu sem knattspyrnuráð Reykjavíkur sendi frá sér í dag.
Þróttur varð Reykjavíkurmeistari í fyrsta sinn í sögu félagsins eftir 6:1-sigur gegn Fjölni í lokaleik sínum í keppninni í Egilshöll í gær.
Enginn fulltrúi Knattspyrnuráðs Reykjavíkur mætti í Egilshöllina í gær til þess að veita Þrótturum viðurkenningu fyrir árangurinn og hefur Knattspyrnuráðið fengið harða gagnrýni á samfélagsmiðlum í dag.
Ráðið sendi frá sér yfirlýsingu fyrr í dag þar sem það harmar atburði gærdagsins en í nýjustu tilkynningunni kemur fram að verðlaunin verði veitt í hálfleik í leik Þróttar og Fylkis í Lengjubikar kvenna sem fram fer í Egilshöll og hefst klukkan 16.
Samþykkt að fjölga lögreglumönnum
Bjóst ekki við að fá Grammy
Greiða atkvæði um ótímabundin verkföll í dag
„Pólitískur hráskinnaleikur“ kom í veg fyrir samning
Leiðum er lokað í Heiðmörk vegna vatnsverndar
„Skömm að því“
„Ég hef ekki lesið mína eigin bók“
Fimm Íslendingar á brottvísunarlista