KRR biður Þrótt afsökunar

Knattspyrnuráð Reykjavíkur hefur beðið kvennalið Þróttar í Reykjavík afsökunar á því að liðinu skyldu ekki hafa verið afhent verðlaun sín í Egilshöllinni í gærkvöld  eftir að það varð Reykjavíkurmeistari í fyrsta skipti.

Frétt af mbl.is

Enginn mætti til að krýna Reykjavíkurmeistarana

Í yfirlýsingu sem KRR sendi frá sér segir:

Á sama tíma og Knattspyrnuráð Reykjavíkur (KRR) óskar Reykjavíkurmeisturum Þróttar í kvennaflokki innilega til hamingju með titilinn vill ráðið biðjast einlæglega afsökunar á að ekki hafi farið farið fram verðlaunaafhending að loknum síðasta leik þeirra í mótinu. Um mistök er að ræða en leikir höfðu riðlast vegna veðurs og COVID 19 sem varð til þess að KRR yfirsást tímasetning leiksins.

Þróttur hefur náð gríðarlegum árangri á þessu leiktímabili og er vel að titlinum komin.  

Verið er að skoða hvenær verðlaunaafhending geti farið fram og í samráði við Þrótt.

Við drögum lærdóm af þessu og mun KRR í samráði við aðildarfélög bæta verklag sitt svo mistök sem þessi endurtaki sig ekki.

Virðingarfyllst,

f.h. KRR

Steinn Halldórsson
Formaður

Jónas Sigurðsson
Formaður mótanefndar

• Blogga um frétt