Algjör draumastaða fyrir mig

„Mér líst vel á þennan leik,“ sagði landsliðskonan Natasha Anasi í samtali við samfélagsmiðla KSÍ fyrir leik Íslands og Tékklands í She Believes-mótinu í kvöld.

„Steini er búinn að segja að hann muni gera margar breytingar fyrir leikinn og Tékkarnir gera það sennilega líka,“ bætti hún við. Ísland vann Nýja-Sjáland, 1:0, í fyrsta leik mótsins á meðan Tékkland og Bandaríkin gerðu markalaust jafntefli. 

Natasha er fædd í Texas í Bandaríkjunum og skemmtilegt fyrir hana að koma heim og spila landsleiki með íslenska landsliðinu, en hún hefur búið á Íslandi frá árinu 2014. „Það er geggjað. Það er draumastaða að vera hér og koma aftur heim. Ég er að fá heimsóknir frá fjölskyldu og þetta er draumastaða,“ sagði Natasha.

• Blogga um frétt