Cecilía í markinu og Sara Björk á bekknum

Cecilía Rán Rúnarsdóttir er í byrjunarliði íslenska kvennalandsliðsins í knattspyrnu sem mætir Hvíta-Rússlandi í C-riðli undankeppni HM 2023 í Belgrad í Serbíu í dag.

Sara Björk Gunnarsdóttir, fyrirliði liðsins, byrjar á bekknum en hún eignaðist sitt fyrsta barn í nóvember á síðasta ári.

Sara Björk lék síðast með landsliðinu gegn Ungverjalandi í undankeppni EM 2022 í Búdapest hinn 1. desember 2020 og gæti komið við sögu í dag.

Sif Atladóttir, Glódís Perla Viggósdóttir, Guðrún Arnardóttir og Hallbera Guðný Gísladóttir eru varnarmenn og þær Dagný Brynjarsdóttir, Gunnhildur Yrsa Jónsdóttir og Karólína Lea Vilhjálmsdóttur eru á miðvsvæðinu.

Þær Agla María Albertsdóttir, Sveindís Jane Jónsdóttir og Berglind Björg Þorvaldsdóttir leiða svo sóknarlínu Íslands í dag.

Íslenska liðið er öðru sæti riðilsins með 9 stig, tveimur stigum minna en Holland en Ísland á leik til góða á hollenska liðið. Hvíta-Rússland er með 4 stig í fjórða og næstneðsta sætinu.

Byrjunarlið Íslands:

Cecilía Rán Rúnarsdóttir
Sif Atladóttir
Glódís Perla Viggósdóttir
Guðrún Arnardóttir
Hallbera Guðný Gísladóttir
Dagný Brynjarsdóttir
Gunnhildur Yrsa Jónsdóttir
Karólína Lea Vilhjálmsdóttir
Sveindís Jane Jónsdóttir
Berglind Björg Þorvaldsdóttir
Agla María Albertsdóttir

• Blogga um frétt