Eðlilegt að meintur kynferðisbrotamaður byrji?
Setja bókamerki
Martin Hermannsson, landsliðsmaður Íslands í körfuknattleik, gagnrýndi liðsval FH-inga harðlega í upphafsleik Bestu deildar karla í knattspyrnu sem fram fór á Víkingsvelli í Fossvogi í kvöld.
Víkingur úr Reykjavík vann þá 2:1-sigur gegn FH en Eggert Gunnþór Jónsson var í byrjunarliði Hafnfirðinga í leiknum.
Eggert Gunnþór, ásamt Aroni Einari Gunnarssyni, hefur verið sakaður um kynferðisbrot en atvikið átti sér stað landsliðsverkefni í Kaupmannahöfn árið 2010.
Málið var tekið upp að nýju að beiðni brotaþola síðasta vor en rannsókn lögreglu lauk á dögunum og er mál þeirra Arons og Eggerts nú á borði embættis héraðssaksóknara. Óvíst er hvort ákært verði í málinu.
„Er eðlilegt að menn sem eru undir lögreglurannsókn vegna grófs kynferðisofbeldis séu í byrjunarliði í Bestu deildinni?“ skrifaði Martin í færslu sem hann birti á samfélagsmiðlinum Twitter.
Ólafur Jóhannesson, þjálfari FH-inga, var spurður út í færslu Martins í viðtali sem birtist á Vísi en hann vildi ekki tjá sig um málið.
„Ég svara því ekki,“ sagði Ólafur í samtali við Vísi.is eftir leikinn í kvöld.
/frimg/1/52/68/1526898.jpg)
„Fólk elskar þennan mann“
Fer fram á sex og hálfs ára fangelsi yfir Jóni Inga
Ágreiningur í VG um aðild að NATO
Boða umbreytingu í grunnskólanum
Ekki gerlegt að sakfella eftir lýsingu í ákæru
Hvað verður um sakamálin ef Trump vinnur? Eða tapar?
/frimg/1/42/49/1424939.jpg)
Jarðskjálftahrina við Vífilsfell
Útlit fyrir að hallinn verði 17 milljörðum meiri