Héraðssak­sókn­ari hef­ur fellt niður mál sem snýr að knatt­spyrnu­mönn­un­um Aroni Ein­ari Gunn­ars­syni og Eggerti Gunnþóri Jóns­syni.

Frétt af mbl.is

Mál Arons og Eggerts á borði héraðssak­sókn­ara

Þetta staðfesti Ein­ar Odd­ur Sig­urðsson, lögmaður Arons Ein­ars, í sam­tali við mbl.is í dag.

Íslensk kona lagði fram kæru á hend­ur leik­mönn­un­um tveim­ur á síðasta ári þar sem hún sakaði þá um nauðgun en um­rætt at­vik á að hafa átt sér stað í Kaup­manna­höfn árið 2010 í landsliðsverk­efni ís­lenska karla­landsliðsins.

„Þetta er eitt­hvað sem þeir eru bún­ir að vera bíða eft­ir og það var gott að fá þetta staðfest í dag,“ sagði Ein­ar Odd­ur í sam­tali við mbl.is. 

Niður­stöðurn­ar eru í sam­ræmi við það sem þeir hafa áður haldið fram um að þeir hafi aldrei brotið af sér eða beitt of­beldi,“ bætti Ein­ar Odd­ur við.

Áttu von á því að leik­menn­irn­ir sjálf­ir muni tjá sig eitt­hvað á næstu dög­um?

„Ég get ekki svarað fyr­ir það né fyr­ir Eggert Gunnþór en það er ljóst að það er ým­is­legt sem þarf að skoða í þessu, meðal ann­ars hvernig haldið var á spil­un­um inn­an raða FH og KSÍ.

Í dag átti sér stað ákveðinn vendipunkt­ur í mál­inu sem marg­ir hafa verið að bíða eft­ir og við þurf­um að bíða og sjá hver næstu skref verða,“ bætti Ein­ar Odd­ur við í sam­tali við mbl.is.

Eggert Gunnþór Jóns­son. Ljós­mynd/​Sig­urður Ragn­ars­son

Tengd­ar frétt­ir

Kyn­ferðis­brot inn­an KSÍ

Lands­rétt­ur mild­ar þriggja ára nauðgun­ar­dóm

• „Stjórn­ar­menn og starfs­menn til margra ára hrökkluðust í burtu“
• Braut per­sónu­vernd­ar­lög – Óljóst um miska­bæt­ur
• Landsliðsferl­in­um lokið?
• Mjög óeðli­legt að Eggert hafi spilað leik­inn

» Fleiri tengd­ar frétt­ir

• 1 blogg um frétt­ina

Bloggað um frétt­ina

• Páll Vil­hjálms­son: Grunaður umræðustjóri á degi sak­lausra