Eignaðist barn á hárréttu augnabliki

Hörður Björg­vin Magnús­son, landsliðsmaður í fót­bolta, verður með Íslenska landsliðinu í leikn­um gegn Ísra­el á morg­un. Efa­semd­ir voru um hvort hann yrði með útaf barn­seign­ar. 

Arn­ar Þór Viðars­son staðfesti það á fjöl­miðlafundi KSÍ fyr­ir leik­inn gegn Ísra­el á morg­un.

 „Já hann er klár. Við viss­um að þetta væri eitt­hvað sem við þurft­um að huga að í þess­um glugga. Kon­an hans gerði þetta af mik­illi snilld, á hár­réttu augna­bliki og það sem maður heyr­ir gerði hún þetta af mikl­um meist­ara­brag. Það er lít­il stúlka kom­in í heim­inn sem er frá­bært og Hörður er bú­inn að vera að æfa með okk­ur síðan við kom­um heim. 

Aron Elís Þránd­ar­son og Mika­el Neville And­er­sen eru báðir tæp­ir fyr­ir leik­inn á morg­un.

Ingvar Jóns­son, markvörður, meidd­ist í upp­hit­un gegn San Marínó og kem­ur Há­kon Rafn Valdi­mars­son inn í hans stað.

„Aron Elís fékk smá högg á kálf­ann í San Marínó og tók því ró­lega í gær en var með á æf­ingu í dag. Þannig það lít­ur allt mjög vel út. Mika­el Neville fékk smá krampa fram­an í lær­inu en hann æfði í dag þannig við þurf­um að taka stöðuna á því. 

Ingvar meidd­ist í upp­hit­un úti þannig Há­kon kem­ur inn fyr­ir okk­ur. Þannig við erum með 24 leik­menn núna sem ættu að vera leik­fær­ir á morg­un fyr­ir utan þessa tvo sem ég nefndi sem við þurf­um að taka smá stöðu á í dag,“ sagði Arn­ar. 

• Blogga um frétt