Blikar slógu 23 ára met ÍBV

Breiðablik skráði sig á spjöld ís­lensku fót­bolta­sög­unn­ar í gær­kvöld með stór­sigr­in­um gegn KR á Kópa­vogs­vell­in­um, 4:0.

Þetta var sextándi heima­sig­ur Breiðabliks í röð í efstu deild, allt frá því liðið tapaði fyr­ir KR í fyrstu um­ferð Íslands­móts­ins 2021, og þar með sló Kópa­vogs­fé­lagið met sem ÍBV hafði átt í 23 ár.

Eyja­menn unnu fimmtán heima­leiki í röð á Há­steinsvelli á ár­un­um 1997 til 1999, þar af alla leik­ina tíma­bilið 1998, og hafa átt metið síðan, eða þar til Blikar jöfnuðu það í sig­ur­leikn­um gegn KA síðasta mánu­dag.

ÍBV gerði reynd­ar enn bet­ur á þess­um árum því liðið tapaði ekki leik á Há­steinsvelli í þrjú og hálft tíma­bil á ár­un­um 1997 til 2000 og spilaði þá 32 leiki í deild­inni auk sex bikarleikja án þess að  tapa.

Grein­in í heild sinni er í Morg­un­blaðinu í dag