Kristall Máni á leið til Þrándheims

Krist­all Máni Inga­son, knatt­spyrnumaður­inn efni­legi í Vík­ingi, er að öll­um lík­ind­um á leið til norska fé­lags­ins Rosen­borg.

Netta­visen seg­ir í dag að sam­kvæmt heim­ild­um sín­um hafi Rosen­borg og Vík­ing­ur kom­ist að sam­komu­lagi um kaup­verð á þess­um tví­tuga pilti sem hef­ur verið í lyk­il­hlut­verki hjá Íslands- og bikar­meist­ur­un­um á þessu tíma­bili.

Netta­visen seg­ir að Krist­all Máni muni fljót­lega koma til Þránd­heims til að fara í lækn­is­skoðun og ganga frá síðustu atriðum varðandi samn­ing áður en hann skrif­ar und­ir hjá fé­lag­inu.

Krist­all Máni er upp­al­inn í Fjölni og spilaði síðan um skeið með ung­lingaliði FC Kö­ben­havn í Dan­mörku en hef­ur verið röðum Vík­ings frá 2020. Hann hef­ur skorað átta mörk í 46 leikj­um liðsins í úr­vals­deild­inni, þar af fjög­ur mörk í tíu leikj­um á þessu ári. Þá lék hann fyrstu tvo A-lands­leiki sína fyrr á þessu ári og hef­ur skorað fjög­ur mörk í níu leikj­um 21-árs landsliðsins.

Rosen­borg er eitt stærsta fé­lag Nor­egs og það fé­lag sem hef­ur mest leikið í Evr­ópu­keppni en liðið er nú í átt­unda sæti norsku úr­vals­deild­ar­inn­ar. Hólm­ar Örn Eyj­ólfs­son, Matth­ías Vil­hjálms­son, Guðmund­ur Þór­ar­ins­son og Árni Gaut­ur Ara­son hafa all­ir orðið norsk­ir meist­ar­ar með liðinu, Árni sex sinn­um og Matth­ías fjór­um sinn­um. 

• Blogga um frétt