Símamótið sett

Síma­mótið var sett í gær­kvöldi með skrúðgöngu niður á Kópa­vogs­völl og er þetta í 38. skipti sem mótið er haldið. Mótið stend­ur yfir dag­ana 7. - 10. júlí og er fyr­ir 5., 6. og 7. flokk kvenna. Litla síma­mótið er fyr­ir 8. flokk en það var fyrst haldið árið 2021.

Kepp­end­ur eru um 3.000 og er þetta stærsta knatt­spyrnu­mótið á land­inu. All­ir leik­ir móts­ins fara fram á völl­um á fé­lags­svæði Breiðabliks. Liðin í hverju fé­lagi eru ekki flokkuð eft­ir A-liði, B-liði og C-liði held­ur heita liðin í höfuðið á fót­bolta­stelp­um hvort sem það er inn­an fé­lags­ins, landsliðsstelp­urn­ar okk­ar eða aðrar.

Ljós­mynd­ari mbl.is mætti á svæðið í gær­kvöld og tók meðfylgj­andi mynd­ir: