Kristall: Verður að koma í ljós

„Það verður að koma í ljós á næst­unni“ sagði Krist­all Máni Inga­son, leikmaður Vík­ings úr Reykja­vík, í stuttu sam­tali við mbl.is eft­ir 3:2 sig­ur á ÍA í Bestu deild karla í fót­bolta í dag.

 Krist­all var sátt­ur eft­ir leik:

„Í örðum leik okk­ar á tíma­bil­inu þá töpuðum við fyr­ir ÍA og ætluðum okk­ur að koma til baka og taka leik­inn í dag. Þótt það munaði bara einu marki þá dugði það og við unn­um. 

Á 61. mín­útu færði Arn­ar Gunn­laugs­son, þjálf­ari Vík­ings, Kristal Mána aft­ar á völl­inn er hann skipti Pablo Punyed út af fyr­ir Erl­ing Agn­ar­son. Júlí­us Magnús­son sem leik­ur að vana í stöðunni var í leik­banni í dag. 

„Þetta var miklu erfiðara en ég bjóst við, ég gef bara Júlla (Júlí­usi Magnús­syni) mikið hrós fyr­ir að vera í þess­ari stöðu. Þetta var al­vöru basl, þannig ég held að þetta sé ekki mín staða.“

Krist­all hef­ur verið orðaður við er­lend lið síðustu vik­ur og hef­ur norski miðil­inn Netta­visen meðal ann­ars greint frá því að næsti áfángastaður Krist­als sé Rosen­borg í Nor­egi. 

„Nei, þetta er ekki minn síðasta leik­ur á Íslandi, ég tek nokkra leiki í viðbót, skora og klára þá með sigri.“

Og er næsti áfangastaður Rosen­borg?

„Það verður að koma í ljós á næst­unni,“ sagði Krist­all að lok­um. 

• Blogga um frétt