Arnar staðfestir að Kristall sé í Þrándheimi

Arn­ar Gunn­laugs­son, þjálf­ari knatt­spyrnuliðs Vík­ings úr Reykja­vík, staðfesti að Krist­all Máni Inga­son sé í Þránd­heimi í sam­tali við mbl.is eft­ir blaðamanna­fund Vík­ings fyr­ir leik­inn gegn Mal­mö annað kvöld. 

„Já hann er í Þránd­heimi. Hann er ekki bú­inn að skrifa und­ir né neitt svo­leiðis en von­andi fáum við að vita eitt­hvað meira þegar líður á vik­una. En já hann er þar.“

Helstu fjöl­miðlar lands­ins hafa síðustu daga greint frá því að hann verði hjá Vík­ingi út júlí og fari svo til Nor­egs.

Er nokkuð ör­uggt að þið fáið að hafa hann út júlí?

„Það er ekki al­veg ör­uggt fyrr en það er búið að skrifa und­ir alla papp­ír­ana. En mér skilst að það sé gert ráð fyr­ir því. Ég held einnig að norski glugg­inn opni ekk­ert fyrr en fyrsta ág­úst þannig hann get­ur hvort er ekki farið út fyrr en þá. Það eru þá fjór­ir til fimm leik­ir í viðbót sem við fáum að njóta hans,“ sagði Arn­ar að lok­um. 

• Blogga um frétt