Getum lært ýmislegt af mistökunum

Har­ald­ur Björns­son, fyr­irliði og markvörður Stjörn­unn­ar, seg­ir að Stjörnu­menn hafi verið sjálf­um sér verst­ir í kvöld, er þeir töpuðu 3:0 á heima­velli fyr­ir Leikn­ismönn­um. 

Hann seg­ir að það hafi vantað nokkuð upp á leikpressu Stjörn­unn­ar í kvöld. „Ef einn hleyp­ur af stað og byrj­ar að pressa, þá þurfa ákveðnar hreyf­ing­ar að eiga sér stað, og þær eru til hálfs, verður mun ein­fald­ara að spila út úr press­unni,“ seg­ir Har­ald­ur. Þá var hann virki­lega ósátt­ur, líkt og fleiri í Stjörnuliðinu við að þriðja mark Leikn­is hafi fengið að standa, en Stjörnu­menn töldu að Mikk­el Dahl hefði verið rang­stæður. „Að fara inn í hálfleik með 3:0 er virki­lega erfitt.“

Hann seg­ir að í hálfleik hafi verið rætt um að reyna að sækja stig með öll­um mætti í síðari hálfleik. „Já, því að það er hálf­ur leik­ur­inn eft­ir. Ef þeir gátu skorað þrjú í fyrri, þá hljót­um við að geta skorað þrjú í þeim seinni og við ætluðum að koma út af full­um krafti og ná inn einu marki í einu og sjá hvert við kæm­ust, en við viss­um líka að þeir myndu leggj­ast lágt og að þeir eru mjög góðir í því að verja for­ystu.“

Har­ald­ur seg­ir að liðið muni ef­laust geta lært ým­is­legt af leikn­um í kvöld. „Það er þjálf­ar­anna að greina bæði góðar og slæm­ar frammistöður, og menn læra hvað mest af slæm­um frammistöðum,“ seg­ir Har­ald­ur. „Það er ein­falt að eiga góðan leik, en menn verða að læra af leikj­un­um og þegar menn fá á sig þrjú mörk er margt sem klikk­ar. Við þurf­um bara að fara yfir hvað gerðist og bæta það fyr­ir næsta leik,“ seg­ir Har­ald­ur að lok­um.

• Blogga um frétt