Milos: Miklar tilfinningar

Mi­los Miloj­evic, þjálf­ari sænska knatt­spyrnu­fé­lags­ins Mal­mö, sat fyr­ir svör­um á blaðamanna­fundi í dag fyr­ir leik Vík­ings úr Reykja­vík og Mal­mö í 1.um­ferð Meist­ara­deild­ar karla í Vík­inni annað kvöld. 

Mi­los kom fyrst til Íslands sem leikmaður árið 2005 og lék þá með Hamri en síðan Ægi. Mi­los gekk til liðs við Vík­ing sem leikmaður árið 2010 og var aðstoðarþjálf­ari liðsins frá 2013-2015 og þjálf­ari 2015-2017.

Hvernig er að vera kom­inn aft­ur í Vík­ina?

„Ég finn fyr­ir mikl­um til­finn­ing­um. Ég var hér á Íslandi marga daga, marg­ar næt­ur og á enda­laust af minn­ing­um frá mín­um tíma hér. Það væri skrítið af mér að segja að þetta væri heim­ilið mitt en þetta er svona annað heim­ilið mitt, ég var hér í 12 af mín­um 39 árum þannig ég finn fyr­ir mikl­um til­finn­ing­um.“

Fyrri leik­ur­inn fór 3:2 fyr­ir Mal­mö, þar sem Vík­ing­ar voru ein­um færri í rúm­ar 50 mín­út­ur eft­ir að Krist­all Máni Inga­son fékk um­deilt seinna gula spjald.

Kom Vík­ing­ur ykk­ur á óvart og hvað þurfið þið að gera til þess að kom­ast áfram?

„Við viss­um fyr­ir leik­inn að Vík­ing­ar myndu nýta alla sína sénsa gegn okk­ur. Hvort sem það væru skynd­isókn­ir eða eitt­hvað annað. Þeir stóðu sig mjög vel í sínu. Nú spila þeir á heima­velli og það er erfiður leik­ur í vænd­um. 

Ég hef fylgst með Vík­ingi og ís­lensku deild­inni síðustu ár, ég hef séð að Vík­ing­ur er mjög gott lið sem vill vinna, og kann að vinna.

Við þurf­um að stíga upp á okk­ar stig. og vinna úr því sem við þurf­um að bæta frá fyrri leikn­um,“ sagði Mi­los að lok­um.

• Blogga um frétt