Geta Víkingar fellt Milos og Malmö?

Vík­ing­ar eiga mögu­leika á að slá út Svíþjóðar­meist­ara tveggja síðustu ára þegar þeir taka á móti Mal­mö í seinni leik liðanna í fyrstu um­ferð Meist­ara­deild­ar karla í fót­bolta á Vík­ings­vell­in­um klukk­an 19.30 í kvöld.

Vík­ing­ar sýndu mikla seiglu í Mal­mö fyr­ir viku þegar þeir töpuðu 3:2 þrátt fyr­ir að vera manni færri meiri hluta leiks­ins eft­ir að Krist­all Máni Inga­son fékk rauða spjaldið í fyrri hálfleikn­um.

Mi­los Miloj­evic, sem lék með Vík­ingi 2010-2012 og var síðan aðstoðarþjálf­ari og aðalþjálf­ari liðsins, stjórn­ar liði Mal­mö og hann sagði á frétta­manna­fundi í Vík­inni í gær að hans menn ættu erfiðan leik fyr­ir hönd­um.

Vík­ing­ar verða að sjálf­sögðu án Krist­als Mána sem tek­ur út leik­bann í dag og þeir sakna líka varn­ar­manns­ins Kyle McLag­an sem viðbeins­brotnaði í leikn­um gegn KR, nokkr­um dög­um fyr­ir leik­inn í Mal­mö.

Hvernig sem fer verður þetta ekki síðasti Evr­ópu­leik­ur Vík­inga í ár. Liðið sem tap­ar ein­víg­inu fer yfir í aðra um­ferð Sam­bands­deild­ar­inn­ar og mæt­ir The New Saints frá Wales eða Lin­field frá Norður-Írlandi en sig­urliðið fer að sjálf­sögðu í aðra um­ferð Meist­ara­deild­ar­inn­ar og mæt­ir Ball­kani frá Kósóvó eða Zal­g­ir­is frá Lit­há­en.