Blikar fara til Svartfjallalands

Breiðablik mæt­ir Buducnost Pod­g­orica frá Svart­fjalla­landi í 2. um­ferð Sam­bands­deild­ar karla í fót­bolta.

Sig­ur Blikanna á UE Santa Coloma frá Andorra í kvöld kom þeim í aðra um­ferðina. Lið Buducnost sló í kvöld út lið Llapi frá Kósóvó með 2:2 jafn­tefli á úti­velli en hafði unnið fyrri leik­inn á heima­velli sín­um í Pod­g­orica, 2:0.

Buducnost hafnaði í öðru sæti í Svart­fjalla­landi síðasta vet­ur, átta stig­um á eft­ir meist­araliðinu Sutj­eska. Deilda­keppn­in í land­inu 2022-23 hefst 23. júlí þannig að leik­irn­ir tveir við Llapi eru fyrstu tveir leik­ir liðsins á nýju tíma­bili.

Leik­irn­ir fara fram næstu tv0 fimmtu­daga, 21. og 28. júlí, sá fyrri á Kópa­vogs­velli.

• Blogga um frétt