Heimir hættir hjá Val

Heim­ir Guðjóns­son læt­ur af störf­um sem þjálf­ari karlaliðs Vals í knatt­spyrnu. Þetta kem­ur fram í til­kynn­ingu frá Val á Face­book. Heim­ir hef­ur verið með liðið frá 2020 og gerði liðið að Íslands­meist­ur­um á fyrsta tíma­bil­inu með liðið.

Val­ur sit­ur núna í 5. sæti deild­ar­inn­ar með 20 stig en í gær tapaði liðið gegn ÍBV sem er í neðsta sæti og var þetta fyrsti sig­ur ÍBV í deild­inni á þess­ari leiktíð en leik­ur­inn fór 3:2 fyr­ir ÍBV. 

Þetta var ann­ar leik­ur í röð þar sem Vals­menn fá þrjú mörk á sig en þeir töpuðu 0:3 fyr­ir Kefla­vík í síðustu um­ferð. Þeir fengu einnig þrjú mörk á sig þegar þeir töpuðu 2:3 gegn Fram í deild­inni en stærsta tap þeirra á leiktíðinni var 2:6 tap þeirra gegn Breiðabliki í bik­ar­keppn­inni.

Næsti leik­ur Vals er gegn KR þann 25. júlí, en Vals­menn hafa ekki gefið út hver taki við liðinu.

• Blogga um frétt