Þægilegur dagur á skrifstofunni hjá Selfyssingum

Selfoss vann 2:0 sigur á Keflavík í 14. umferð Bestu deildar kvenna á HS Orku vellinum í Keflavík í dag. 

Með sigrinum færir Selfoss sig upp í fimmta sæti með jafnmörg stig og ÍBV en betri markatölu. Keflavík er áfram í sjöunda sæti með 13 stig. 

Fyrsta mark leiksins kom eftir aðeins þriggja mínútna leik. Þá fékk Bergrós Ásgeirsdóttir allan tímann í heiminum til að gefa háan bolta fyrir. Það gerði hún, boltinn rataði á kollinn á Brenna Lovera sem skallaði hann laglega yfir Samönthu Leshnak í marki Keflavíkur og kom Selfossi í 1:0. 

Selfoss stjórnaði að mestu fyrri hálfleiknum en skapaði sér fá afgerandi marktækifæri. Keflavík náði nokkrum góðum upphlaupum en fátt var um færi og hálfleikstölur því 1:0, Selfossi í vil. 

Íris Una Þórðardóttir tvöfaldaði svo forystu Selfoss á 59. mínútu er hún fylgdi eftir skalla tvíburasystur sinnar Kötlu Maríu Þórðardóttur og stýrði boltanum í netið, 2:0 og útlitið orðið ansi gott fyrir Selfoss. 

Selfoss hélt áfram að hafa öll tök á leiknum og Miranda Nild kom sér í mörg færi til að bæta þriðja markinu við. Á sama tíma skapaði Keflavík sér varla færi og lokatölur urðu því 2:0, Selfossi í vil. 

Keflavík fer í heimsókn í Laugardaginn og mætir Þrótti úr Reykjavík í næsta leik sínum. Selfoss fær Stjörnuna í heimsókn í næsta leik sínum. 

Keflavík	0:2	Selfoss	Opna lýsingu Loka
90. mín. Það er fjórum mínútum bætt við í uppbótartíma.
Augnablik — sæki gögn...

• Blogga um frétt