Ég elska Ísland

„Við spiluðum ekki nægi­lega vel til þess að vinna leik­inn,“ sagði Cyera Hintzen, leikmaður Vals í sam­tali við mbl.is eft­ir 1:1-jafn­tefli liðsins gegn Breiðabliki í 15. um­ferð Bestu deild­ar kvenna í knatt­spyrnu á Origo-vell­in­um á Hlíðar­enda í kvöld.

Frétt af mbl.is

Mörk­in létu á sér standa í stór­leikn­um

„Það var mjög mik­il­vægt að jafna met­in fljót­lega eft­ir að þær komust yfir. Breiðablik er með hörkulið og við viss­um það fyr­ir­fram að þetta yrði mjög erfiður leik­ur. Við byrjuðum seinni hálfleik­inn af krafti og í raun eins og við hefðum átt að byrja leik­inn en því miður tókst okk­ur ekki að nýta það sem skildi.

Það var mjög mik­il­vægt fyr­ir okk­ur að tapa ekki leikn­um hérna í kvöld og við erum áfram með sex stiga for­skot á toppn­um sem skipt­ir öllu máli. Það eru þrír úr­slita­leik­ir eft­ir af tíma­bil­inu og við þurf­um að mæta þannig stemmd­ar í þá alla því fót­bolt­inn get­ur verið grimm­ur ef maður mæt­ir ekki rétt stemmd­ur til leiks,“ sagði Cyera.

Cyera hef­ur verið afar mik­il­væg Valsliðinu í sum­ar en hún hef­ur skorað sex mörk í ell­efu leikj­um í Bestu deild­inni.

„Mark­miðið er að skora í hverj­um ein­asta leik en ég má ekki vera of hörð við sjálfa mig. Ég elska Ísland og mér líður ótrú­lega vel hérna. Ég vissi lítið um landið þegar ég kom hingað en deild­in hérna er mjög sterk og hún hent­ar mér vel líka,“ bætti Cyera við í sam­tali við mbl.is.

Vig­dís Lilja Kristjáns­dótt­ir og Mist Ed­vars­dótt­ir eig­ast við á Hlíðar­enda. mbl.is/​Krist­inn Magnús­son

• Blogga um frétt