„Okkur var bara refsað“

Krist­ín Erna Sig­ur­lás­dótt­ir var á skot­skón­um í dag en hún skoraði tvisvar þegar Þór/​KA og ÍBV gerðu 3:3-jafn­tefli í Bestu deild kvenna í fót­bolta. Leik­ur­inn var spilaður á  Ak­ur­eyri og lauk 15. um­ferð deild­ar­inn­ar með hon­um. 

Frétt af mbl.is

Sandra María kom Þór/​KA til bjarg­ar

Tvö mörk í dag frá þér en þið urðuð að gera ykk­ur jafn­tefli að góðu. Hvað viltu segja um leik­inn? 

„Mér fannst við hafa verið betra liðið, svona heilt yfir og átt­um al­veg skilið að vinna þenn­an leik. Þetta verður því að telj­ast frek­ar svekkj­andi. Við eig­in­lega slökkt­um á okk­ur þris­var í leikn­um og það fór með þetta hjá okk­ur.“ 

Já þið voruð lengst af sterk­ari aðil­inn og fenguð nokk­ur færi i viðbót til að skora meira. Hefðir þú ekki bara þurft að fá eitt­hvað af þeim? 

Nú hlær Krist­ín Erna. „Jú, eða ég veit það ekki. Mér fannst bara að þessi mörk ættu að duga. Við vit­um að Þór/​KA er með öfl­uga sókn­ar­menn og það má ekk­ert gefa þeim pláss eða tíma. Okk­ur var bara refsað.“ 

Nú eruð þið á hálf­gerðu dóli um miðja deild­ina og ekki að miklu að keppa. Þið sitjið í 5. sæti en gætuð náð eitt­hvað hærra ef vel geng­ur í lokaum­ferðunum. 

„Nú snýst þetta bara um að bæta okk­ar leik og safna sem flest­um stig­um. Við reyn­um að kom­ast eins hátt og við get­um. Það er samt smá svekkj­andi að vera í þess­ari stöðu. Mér finnst við vera með lið til að vera í ein­hverri meiri bar­áttu fram í síðasta leik. Það kem­ur ár eft­ir þetta ár.“ 

Nú er ég ör­lítið for­vit­inn. Hvernig var að spila síðasta deild­ar­leik í rign­ing­unni og bleyt­unni í Eyj­um?  

„Það var ekk­ert sér­stakt. Ég er al­veg vön þessu úr Eyj­um og mér finnst í lagi að taka einn  svona leik endr­um og sinn­um. Auðvitað er leiðin­legt að bolt­inn geng­ur hægt og fót­bolt­inn er ekki glæsi­leg­ur“ sagði marka­skor­ar­inn góðkunni að lok­um. 

Eyja­kon­ur fagna marki á Ak­ur­eyri. Ljós­mynd/Þ​órir Tryggva­son

• Blogga um frétt