Reyndasta liðið lengi

Arn­ar Þór Viðars­son landsliðsþjálf­ari verður með sinn reynd­asta hóp í fimmtán mánuði þegar karla­landslið Íslands í knatt­spyrnu mæt­ir Venesúela og Alban­íu síðar í þess­um mánuði, 22. og 27. sept­em­ber.

Aron Ein­ar Gunn­ars­son snýr aft­ur í liðið í fyrsta sinn síðan í júní 2021, þegar hann lék vináttu­leiki gegn Mexí­kó, Fær­eyj­um og Póllandi. Hann tek­ur við fyr­irliðastöðunni á ný en Birk­ir Bjarna­son hef­ur gegnt henni í und­an­förn­um verk­efn­um landsliðsins.

Aron er ekki leng­ur und­ir rann­sókn vegna meints kyn­ferðis­brots en hún var felld niður í sum­ar. Þar með var Arn­ari heim­ilt að velja hann í sinn hóp á ný, sam­kvæmt nýrri viðbragðsáætl­un KSÍ vegna mála ein­stak­linga sem væru til meðferðar hjá rann­sókn­ar- eða ákæru­valdi. Aron hef­ur spilað nán­ast hvern ein­asta leik með Al-Ar­abi í Kat­ar und­an­far­in ár og ætti að mæta til leiks í mjög góðu leik­formi. Með þessu opn­ast á ný mögu­leiki fyr­ir hann að ná 100 lands­leikj­um fyr­ir Íslands hönd en því gæti Aron náð í nóv­em­ber­mánuði.

Al­freð Finn­boga­son get­ur spilað sína fyrstu lands­leiki í tæp tvö ár en hann lék síðast með landsliðinu gegn Dön­um á Par­ken í nóv­em­ber 2020. Hann hef­ur glímt við þrálát meiðsli en er kom­inn af stað með Lyng­by í Dan­mörku.

Grein­in í heild sinni er í Morg­un­blaðinu í dag