Aron Einar æfði með landsliðinu (myndir)

Íslenska karlalandsliðið í fótbolta er komið til Austurríkis, þar sem liðið mætir Venesúela í vináttulandsleik á fimmtudaginn kemur.

Liðið æfði í dag og landsliðsfyrirliðinn Aron Einar Gunnarsson tók þátt á æfingunni, en hann er í hópnum í fyrsta skipti frá því Ísland lék við Pólland í vináttuleik 8. júní á síðasta ári.

Ríkissaksóknari felldi á dögunum niður mál þar  sem Aroni Einari og Eggerti Gunnþóri Jónssyni var gefið að sök að hafa nauðgað konu í Kaupmannahöfn árið 2010, en Aron var ekki valinn í hópinn á meðan á málinu stóð.

Hér að neðan má sjá myndir af Aroni Einari á landsliðsæfingunni í dag. 

Aron Einar, lengst til vinstri, ásamt Andra Lucasi Guðjohnsen og Mikael Anderson. Ljósmynd/KSÍ

Aron Einar með Aroni Elísi Þrándarsyni, Herði Björgvin Magnússyni, Birki Bjarnasyni, Hirti Hermannssyni og Daníel Leó Grétarssyni. Ljósmynd/KSÍ

• Blogga um frétt