Eiginkonan stolt af landsliðsfyrirliðanum
Setja bókamerki
„Það er erfitt að setja það í orð hversu stolt ég er af þessum manni,“ skrifaði Kristbjörg Jónsdóttir, eiginkona Arons Einars Gunnarssonar, fyrirliða íslenska karlalandsliðsins í knattspyrnu, á samfélagsmiðilinn Instagram í gær.
Aron Einar, sem er 33 ára gamall, bar fyrirliðabandið í 1:0-sigri Íslands gegn Venesúela í vináttulandsleik í Maria Enzersdorf í Austurríki í gær.
Aron lék síðast fyrir íslenska karlalandsliðið 8. júní 2021 í vináttulandsleik gegn Póllandi í Poznan en ríkissaksóknari felldi fyrr í mánuðinum niður mál þar sem Aroni Einari og Eggerti Gunnþóri Jónssyni var gefið að sök að hafa nauðgað konu í Kaupmannahöfn árið 2010.
„Hann gefur alltaf allt sitt í þetta og alltaf aðeins aukalega líka,“ skrifaði Kristbjörg.
„Það er orðið langt síðan síðast en það er gott að sjá þig þar sem þú átt heima,“ bætti Kristbjörg við.
„Hagræðingarmál eru í fyrsta sæti“
Veðurspáin mjög slæm: Ökumenn fari varlega
Máttu ekki auglýsa „mesta úrvalið“ og „besta verðið“
Gul viðvörun í gildi: Suðaustan stormur
Hvetja fólk til að huga að niðurföllum
Lítil snjóflóð fallið og vegum lokað á Vestfjörðum
Hækkun skilaði sér til bænda
„Umferðin greinilega að þyngjast“